افغانستان میں امریکی فوجی قافلے پرحملے10 اہلکارہلاک،طالبان

افغانستان میں طالبان کے دو مختلف حملوں میں 10 اتحادی فوجی ہلاک اور تین زخمی ہوگئے۔

غیر ملکی خبر رساں ادارے کے مطابق طالبان نے دعوٰی کیا ہے کہ انھوں نے مشرقی صوبہ ننگرہار میں امریکی فوجی قافلے پر حملہ کرکے 10 فوجیوں کو ہلاک کردیا ہے۔
دوسری جانب صوبہ غزنی میں گذشتہ روز طالبان کی فائرنگ سے پولینڈ کے 3 فوجی زخمی ہوئے ہیں۔

ایک اور واقعے میں طالبان کے حملے میں صوبہ جوزجان میں پانچ افغان پولیس اہلکار ہلاک ہوگئے۔

“پریس ٹی وی” کی ایک رپورٹ کے مطابق افغان پولیس آفیسروں کے ایک گروپ صوبہ بادغیس میں طالبان عسکریت پسندوں سے جا ملاہے۔ اس سے پہلے بھی متعدد پولیس اہلکاروں اور آفیسرز طالبان کی صفوں میں شامل ہوچکے ہیں۔

ایکسپریس نیوز+ایجنسیاں