افغانستان: فوجی اڈے پر راکٹ حملہ، نیٹو کے دو فوجی ہلاک

كابل(خبرايجنسياں) افغانستان کے مشرقی صوبے کنڑ میں ایک فوجی اڈے پر راکٹ کے ایک حملے میں نیٹو کے دو فوجی ہلاک جبکہ چھ دیگر زخمی ہو گئے ہیں۔
نیٹو کی بین الاقوامی امدادی فوج کے ایک ترجمان نے خبر رساں ادارے اے ایف پی کو بتایا: ’’ضلع ناری میں قائم ISAF بیس پر طالبان کی جانب سے ایک راکٹ حملے میں ISAF کے دو فوجی ہلاک جبکہ چھ زخمی ہو ئے۔‘‘
کابل میں قائم ISAF کے پریس آفس نے اس واقعے کی تصدیق کرتے ہوئے کہا: ’’افغانستان کے مشرقی علاقے میں عسکریت پسندوں کے ایک حملے میں دو فوجی ہلاک ہو گئے ہیں۔‘‘
رواں ماہ کے اوائل میں طالبان نے اپنے موسم بہار کے سالانہ حملے شروع کرنے کا اعلان کیا تھا۔