افغانستان: چھ برطانوی فوجی لاپتہ

كابل(بى بى سى) برطانوی وزارتِ دفاع کا کہنا ہے کہ افغانستان کے جنوبی حصے سے چھ برطانوی فوجی لاپتہ ہو گئے ہیں۔
ان فوجیوں میں سے پانچ کا تعلق یارک شائر کی تھرڈ بٹالین جبکہ ایک کا تعلق ڈیوک آف لانکیسٹر کی رجمنٹ سے بتایا جاتا ہے۔
اطلاعات کے مطابق یہ فوجی منگل کو پٹرولنگ پر تھے جب ان کی گاڑی ایک دھماکے کا نشانہ بنی۔
اگر ان برطانوی فوجیوں کی ہلاکت کی تصدیق ہو گئی تو سنہ دو ہزار چھ کے بعد افغانستان میں ہونے والے ایک حادثے میں ہلاک ہونے والے برطانوی فوجیوں کی ہلاکت کا یہ سب سے بڑا واقعہ ہو گا۔
واضح رہے کہ سنہ دو ہزار چھ میں افغانسان میں چودہ برطانوی فوجی ایک حادثے میں ہلاک ہو گئے تھے۔