شام کی فری آرمی کے سربراہ کے اغوا کا منصوبہ ناکام بنا دیا گیا

دمشق (العربیہ ڈاٹ نیٹ) شامی خفیہ اداروں کی جانب سے تیارکردہ فری آرمی کے کمانڈر اور بشار الاسد مخالفین میں شامل سرکردہ شخصیت بریگیڈئر ریاض الاسعد کے اغوا کا منصوبہ ترک انٹلیجنس اداروں نے ناکام بنا دی گیا۔
ترک روزنامے “الصباح” کے مطابق سھیلہ تفکجی نامی خاتون شامی انٹلیجنس اداروں کے لئے کام کرتی تھیں۔ وہ شامی سرحدی علاقے ھاتائی میں بشار الاسد فوج سے منحرف اور بھگوڑے فوجیوں کے کیمپ سے بریگیڈئر الاسعد کو اغوا کرنے آئیں۔
اخبار کے مطابق معلومات اپنے اہداف کے بارے میں جمع کرنے کی خاطر تفکجی کی ایک اور شامی نے بھی مدد کی۔ اس دوران ترک فوج کے خفیہ اداروں کا ایک افسر ان دونوں کا پیچھا کرتا رہا اور انتہائی باریک بینی سے ان کی سرگرمیاں مانیٹر کرنے کے بعد تفکجی کو گزشتہ ہفتے حراست میں لے لیا گیا۔
متعدد ترکوں کو بھی تفکجی کو مدد فراہم کے الزام میں حراست میں لے لیا گیا جو اغوا کی ناکام کارروائی میں ان کی مدد کر رہے تھے۔