کابل(رپورٹ) نیٹو افواج نہ تو افغان عوام کے دل و دماغ جیت پائی اور نہ ہی طالبان کیخلاف جنگ جیت رہی ہے۔ بین الاقوامی تھنک ٹینک انٹرنیشنل کونسل آن سکیورٹی اینڈ ڈویلپمنٹ کے مطابق طالبان کے گڑھ قندھار اور ہلمند میں کیے گئے سروے کے مطابق افغانوں کی اکثریت غیر ملکی فوج کے بارے میں منفی رائے رکھتے ہیں اور سمجھتے ہیں کہ طالبان کو حکومت میں شامل ہونا چاہیے۔
5 فیصد کا خیال ہے کہ نیٹو اور افغان حکومت طالبان کے خلاف جنگ جیت رہی ہے۔ 75فیصد افغانوں نے کہا کہ غیر ملکی انکے مذہب اور روایات کا احترام نہیں کرتے۔ 74فیصد غیر ملکی عیسائی فوج کے ساتھ کام کرنے کو اچھا نہیں سمجھتے۔
68 فیصد کی رائے ہے کہ نیٹو فورسز انہیں تحفظ فراہم کرنے میں ناکام رہی ہے۔ 65فیصد چاہتے ہیں کہ طالبان اور ملا عمر کو افغان حکومت میں شامل ہونا چاہیے۔ جبکہ55 فیصد کا خیال ہے کہ غیرملکی فوج افغانستان میں اپنے فائدے کیلئے آئی ہیں تاکہ ملک کو تباہ یا اس پر قبضہ کیا جاسکے۔