زاهدانِ نوکیں سالِ دانشجو/ زانت‌دربرانی پجّاروکائی دیوان برجم دارگ بوت

اِے دیوان گوستگیں جمعه‌یِ شپ 13 آبان 1395، برجم دارگ بوت، مَں اِے دیوانا زاهدانِ بازیں شهدربرجاه ؤ دانشگاهانی زانت‌دربراں بهر زرتگ.
په سنی‌آنلاینِ هالکاریا مَں اِے دیوانا واجه مولانا عبدالحمید، واجه مفتی محمدقاسم قاسمی ؤ ڈاکٹر محمدعثمان حسین‌برّا گپ کرتگ.
واجه مولانا عبدالحمیدا مَں اِے دیوانا په علم ؤ زانتِ ارزشِ باروا گپ کرت ؤ گوشتی: انسان بے علم ؤ زانتا هچ جاه نرسیت، الله ها رند چه اِشی که حضرت آدما علم دات، فرشته‌ای حکم کرتنت که آئیا سجده بکننت.
واجها همے پیم دانشجو په جهد ؤ کوشش مَں علمِ راها، پهریز چه گناهاں، جماعتِ نمازِ وانگ و نمازجمعه‌یِ آیگا وصیت کرتنت.
مولانا مفتی محمدقاسم قاسمیا هں زانت‌دربرانی دیوانا گوشت: علم یک نعمتے چه اللهِ نیمگا ؤ زانت‌دربر باید اِے نعمتِ شگرا بگرنت.
مفتی صاحبا همے پیم جهانِ نگیگں جاورا اشاره کرت ؤ گوشتی: اے وهدی باید زانت‌دربر گیشتر آگاه ؤ هژار ببنت ؤ دژمناں شر جاه بیارنت.
ڈاکٹر محمدعثمان حسین‌برّ سیستان ؤ بلوچستانِ شهدربرجاهِ استادا هں مَں اِے دیوانا دین ؤ علم چه هر انسانِ ضرورتاں زانت و گوشتی که باید اِے هر دو بهرا جهد بکنیں.