ماما قدیر بلوچءِ اعتراضی کاروان پنجاپءَ رستگ

ماما قدیربلوچءِ اعتراضی کاروان په گاریں بلوچانی درگیجگءَ، چه سندءَ درکپتگ و پنجاپءَ سربوتگ و پنجاپءِ دمگاں یک په یکءَ گوازینگ إنت و دیم په اسلام آبادءَ جنزان إنت.

په سنی آنلاینءِ حالکاریءَ نقل چه وش نیوزءَ، ماماقدیر بلوچءِ اعتراضی کاروان که په گاریں مردمانی درگیجگءَ چه کوئٹهءَ درکپتگ أت  رند چه دوریں راهے گوازینگءَ ، إے هپتگءَ  پنجاپءَ رست.
کاروان “راجن پور” و “روجهان”ءِ دمگان ماں ترندیں سارتیءَ گوازینتگ و دیم په اسلام آبادءَ جنزان إنت.
ماماقدیرءِ کاروان، چه سیاسی گل و پاٹ و  پنجاپءِ جهمنندیں بلوچانی نیمگءَ جوانیں رنگےءَ وشاتک کنگ بوتگ.
کاروانءِ مردماں، وتی همت انگتءَ برجاه داشتگ وآیانی مول و مراد گاریں بلوچانی درگیجگ و دیمءَ آرگ إنت.
ماما قدیر، کاروانءِ رهشونءَ گوشتگ: داں وهدے که گاریں بلوچان درگیجگ مبنت، مئی جنز و باهند برجاه إنت.