اهلسنتءِ ديني زانتكار، مولانا عثمان يارخان ترور بوت

فرقه إے اختلاف وجنجالاں ماں پاكستانءَ گيش بوان أنت، ماں نوكتريں حالے آتكگ كه لهتے نامعلوميں سلاح پوشءَ مولانا عثمان يارخان كراچيءِ دارالخيرءِ مدرسه ءِ كارمستر شهيد كتگ.

په إيرانءِ اهلسنتءِ حال رساني مركز،سني آنلاينءِ حالكاريءَ، مولانا عثمان يار خان و3 نفر چه آئيءِ همراهاں ماں كراچيءِفيصل شهرءِ شاهراهءَ ترور بوت أنت. إے اتفاق جمعه 27دي وهدے پيش آتك كه مولانا عثمان يار خان رند چه “حزب جمعيت علماي اسلام”ءِ ديوانءَ په وتي لوگءَ پچ ترگا أت. پاكستانءِ سياسي ومذهبي سروكاں إے پيش آمد سك محكوم كتگ وچه پاكستانءِ حكومت إش لوٹتگ كه بايد هرچے زودتر مولانا عثمان يار خان وإے دگه عالم وطالباني جنوكاں دزگير ببنت و وتي شوميں سزاءَ رسينگ ببنت.
مولاناعثمان يارخان، مولانا اسفنديار خانءِ چك، وكراچيءِ دارالخيرءِ مدرسه ءِ كارمستر أت.
 اهلسنتءِ بازيں عالمے ءَ چوشكه مولانا سليم الله خان وقاري حنيف جالندهريءَ إے حادثه محكوم كتگ و قاتلاني بندكنگءِ لوٹوك بوتگ أنت.
گوشگي إنت كه گڈي ماهاں اهلسنتءِ بازيں عالمے چوشكه مولانا زرين ماں كراچي، مفتي منير احمد ماں اسلام آباد، مولانا عبدالحميد خالد ماں سرگودهاو مولانا شمس الرحمن معاويه ماں لاهورءَ شهيد كنگ بوتگ.
پاكستانءِ رسانكاں حال داتگ كه رند چه إے حادثهءَ زيارت كنوكيں شيعياني  اتوبوسے ماں ايالت بلوچستانءَ مستونگ نزيكيءَ بمب تراكءِ آماج بوتگ و22نفر كشگ بوتگ.