امریکا: ملعون سلمان رشدی چاقو حملے میں زخمی ہوگیا

نیو یارک میں تقریب کے دوران ملعون سلمان رشدی چاقو حملے میں زخمی ہوگیا۔
خبر ایجنسی کی رپورٹ کے مطابق چاقو بردار حملہ آور نے اسٹیج پر چڑھ کر ملعون سلمان رشدی پر حملہ کیا، پولیس نے حملہ کرنے والے شخص کو گرفتار کرلیا۔
سلمان رشدی کو طبی امداد کیلئے ہیلی کاپٹر سے اسپتال منتقل کیا گیا ہے۔
پولیس کا کہنا ہے کہ سلمان رشدی کی حالت سے متعلق فی الحال کچھ نہیں کہا جاسکتا۔
پولیس کے بیان میں ملعون رشدی پر حملے کے محرکات کے بارے میں بھی کچھ نہیں بتایا گیا۔

ملعون سلمان رشدی پر حملہ کرنیوالے کی شناخت ظاہر کردی گئی
امریکی ریاست نیویارک میں ملعون سلمان رشدی پر حملہ کرنے والے ملزم کی شناخت ظاہر کر دی گئی۔
نیویارک پولیس کے مطابق ملعون سلمان رشدی پر ہادی ماتر نے چاقو سے حملہ کیا۔
پولیس کا کہنا ہے کہ 24 برس کے ہادی ماتر کا تعلق امریکی ریاست نیوجرسی سے ہے، ان کی جانب سے حملے کی وجہ تاحال واضح نہیں۔
امریکی میڈیا کے مطابق ہادی ماتر نےکیلی فورنیا کے الزبتھ لرننگ سینٹر سے تعلیم حاصل کی تھی۔
واضح رہے کہ گزشتہ روز نیو یارک میں تقریب کے دوران چاقو بردار حملہ آور نے اسٹیج پر چڑھ کر ملعون سلمان رشدی پر حملہ کیا تھا، پولیس نے حملہ کرنے والے شخص کو گرفتار کر لیا تھا۔
پولیس کا کہنا ہے کہ سلمان رشدی کی حالت سے متعلق فی الحال کچھ نہیں کہا جاسکتا۔