نماز جمعہ کے موقع پر حرمین شریفین میں سخت احتیاطی تدابیر پرعمل درآمد

صدارت عامہ برائے امور حرمین شریفین نے آج نماز جمعہ کے لیے مسجد الحرام کے زائرین اور نمازیوں کے استقبال کے لیے صحت کے سخت انتظامات کیے ہیں۔ صدارت عامہ کی طرف سے سروس کا ایک پیکج جاری کیا گیا ہے جن میں مسجد حرام کے58 داخلی اور خارجی راستوں کو کھولنا اور دن میں10 بار تک مسجد حرام کے اندرونی اور بیرونی ماحول کو پاکیزہ رکھنے کے لیے 4000 سے زیادہ مرد اور خواتین کارکنوں کو مختص کیا گیا ہے۔
جنرل پریذیڈنسی برائے امورحرمین کی خدمات میں فیلڈ امور اور ماحولیاتی تحفظ کے انڈر سیکرٹری محمد الجابری نے تصدیق کی کہ ایجنسی نے جمعہ کے لیے اپنی تیاری کی سطح کو بڑھا دیا ہے۔ خدمت، میدان اور آپریشنل اقدامات کا پیکج جار کیا گیا ہے۔ تاکہ زائرین کے لیے ایک محفوظ اور اطمینان بخش ماحول فراہم کیا جا سکے اور معتمرین سکون کے ساتھ روحانی ماحول میں مناسک اور عبادت کر سکیں۔

فیلڈ سروس پلان
انہوں نے وضاحت کی کہ ایجنسی کے منصوبے میں متعدد محور اور خدمات، فیلڈ اور حفاظتی پہلو شامل ہیں۔ ان میں مسجد حرام کے صحنوں کی نگرانی، مسجد میں جراثیم کشی، سینی ٹائزیشن، نقل و حمل کی خدمات، دروازوں کی نگرانی اور دیگر خدمات شامل ہیں۔
الجابری نے کہا کہ آج جمعہ کی صبح ایجنسی سینیٹری ویئر کی تیاری شروع کر دے گی۔ جراثیم کش اسپرے کا چھڑکاؤکیا جائے گا۔ مسجد کے اندورنی اور بیرونی ماحول کو معطر کرنے ، قالینوں کو برش کر کےان کی صفائی کو یقینی بنانے، صفائی ستھرائی، جراثیم کشی اور خوشبو لگا کر اللہ کے گھر کو دھو کراسے ہرطرح کے جراثیم سے پاک کیا گیا ہے۔ ان کا کہنا تھا کہ مسجد حرام کے اندر جراثیم تلف کرنے کے لیے 80,000 لیٹر سے زیادہ جراثیم کش ادویات استعمال کی جاتی ہیں۔ کنگس ایکسٹینشن کے اندر 100 خوشبو والے آلات کو آپریشن کیا جاتا ہے۔ پوری مسجد میں 13,000 سے زیادہ قالین بچھائے گئے ہیں اور فالتو اشیا پھینکنے کے لیے 3000 بڑے اور چھوٹے کنٹینر نصن کیے گئے ہیں۔ تاکہ چوبیس گھنٹے جراثیم کشی کی سطح کو بلند کیا جا سکے۔ مسجد میں جمعہ کے موقعے پر 3000 سے زیادہ بیت الخلاء کو نمازیوں کے وضو کے لیے تیار کیا گیا ہے۔

آلات اور جراثیم کش
انہوں نے کہا کہ وہ تمام سطحوں کو جراثیم سے پاک کرنے کے لیے تقریباً 28,000 لیٹر سٹرلائزر استعمال کرتے ہیں۔ اس کے علاوہ سینسر کی خصوصیت کے ساتھ ہاتھوں کو جراثیم سے پاک کرنے کے لیے 500 سے زیادہ خودکار آلات، 20 بائیو کیئر ڈیوائسز، سٹرلائزیشن کے لیے 11 سمارٹ روبوٹس اور 550 ہینڈ سٹرلائزیشن پمپ اور فیلڈ میں پانی پلانے کے لیے زمزم کے پانی کے 10,000 سے زیادہ پیکجز تقسیم کرنے کی تیاری کی گئی ہے۔
ایجنسی نے مقدس گھر کے زائرین کی خدمت کے لیے الیکٹرک اور عام گاڑیاں فراہم کی ہیں۔ ساتھ ہی ساتھ نجی کاروں کی ادائیگی کرنے والوں کی نگرانی، اجازت نامہ حاصل کرنے کے لیے ضروری شرائط پوری کرنے کے بعد انھیں ورک پرمٹ دینے کا اہتمام کیا گیا ہے۔