چابہار (سنی آن لائن) مارچ دوہزار پندرہ سے اگست دوہزار بیس تک صومالی قزاقوں کے ہاتھوں یرغمال تین ایرانی بلوچ ماہی گیر رہا ہوکر جمعہ اکیس اگست کو گھر پہنچ گئے۔
سنی آن لائن کی رپورٹ کے مطابق، ’جمال الدین دہواری، ابراہیم بلوچ نیا اور عبداللہ نوحانی‘ ان اکیس ماہی گیروں میں شامل تھے جو سراج نامی جہاز پر سوار تھے اور ملک واپس آتے ہوئے راستے میں صومالی قزاقوں کے نرغے میں آچکے تھے۔
ان تین ماہی گیروں کی رہائی میں بلوچ عمائدین اور صومالیہ کے مقامی لوگوں نے ایرانی وزارت خارجہ اور بعض سکیورٹی اداروں کے تعاون سے کلیدی کردار ادا کیا ہے۔
اس سے پہلے ایک ماہی گیر اقوام متحدہ کی ثالثی سے رہا ہوچکا ہے، چار ماہی گیروں کو مقامی افراد نے رہا کرایا جبکہ چار کو صومالی پولیس نے بچایا۔ ان کے علاوہ آٹھ بلوچ ماہی گیر بھوک اور تشدد کی وجہ سے قزاقوں کی قید میں جاں بحق ہوچکے ہیں جن میں عبداللہ نوحانی کا بھائی اور کزن شامل ہیں۔
پہلی مرتبہ دسمبر دوہزار سولہ کو یرغمال ماہی گیروں کی ویڈیو شائع ہوئی جنہوں نے ایرانی حکومت سمیت عالمی برادری سے مدد کی اپیل کی۔ چار سال بعد ان کے گھروالوں کی کوششیں رنگ لائیں اور انہیں رہائی مل گئی۔ جنوری دوہزار سولہ سے صومالیہ نے ایران سے اپنے سیاسی تعلقات بند کرکے ایرانی سفارتکاروں کو موگادیشو سے نکال دیا تھا جس کی وجہ ایسے قیدیوں اور یرغمالیوں کی رہائی میں کافی وقت لگا۔
کہا جاتاہے اب بھی بعض بلوچ ماہی گیر صومالیہ سے لاپتہ ہیں جن کے بارے میں کوئی مصدقہ اطلاعات دستیاب نہیں ہے۔
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…