ایرانی اہل سنت کی خبریں

زاہدان میں سوگ کا سماں؛ ممتاز علمائے کرام کا انتقال

زاہدان (سنی آن لائن) ایرانی بلوچستان میں علمائے کرام کے انتقال کا سلسلہ جاری ہے۔ ضلع سوران کے ممتاز عالم دین اور خطیب مولانا جہاندیدہ کے سانحہ انتقال کے بعد اب دارالعلوم زاہدان کے استاذالحدیث مولانا محمد اسماعیل زہی دل کا دورہ پڑنے سے اپنے خالقِ حقیقی سے جاملے۔ زاہدان ہی کے ایک ممتاز سماجی کارکن اور قاضی ڈاکٹر بشیر احمد موحد بھی کورونا وائرس سے لڑتے ہوئے زندگی کی بازی ہارگئے۔
سنی آن لائن کے مطابق، دارالعلوم زاہدان کے سینئر استاذ مولانا محمد اسماعیل زہی دل کی بیماری میں مبتلا تھے اور اس سے پہلے اوپن ہارٹ سرجری کراچکے تھے۔
آج چار جولائی کو اچانک طبیعت خراب ہونے کے تھوڑے ہی بعد ان کا انتقال ہوا۔ مولانا محمد 68 سال پہلے زاہدان کے مضافات ’گلوگاہ‘ میں پیدا ہوئے۔ آپؒ نے ابتدائی تعلیم آبائی علاقے میں حاصل کرنے کے بعد مزید تعلیم کے لیے پاکستان کا رخ کیا جہاں آپ نے ضلع رحیم یارخان کے بستی مولویاں، ظاہرپیر اور بدرالعلوم حمادیہ رحیم یارخان میں دینی تعلیم حاصل کی اور آخرالذکر جامعہ سے فارغ التحصیل ہوئے۔
مولانا محمد رحمہ اللہ کئی سالوں تک زاہدان کے معروف دینی ادارہ جامعہ اشاعت التوحید کے شیخ الحدیث و مہتمم کی حیثیت سے خدمات سرانجام دینے کے بعد دارالعلوم زاہدان منتقل ہوئے جہاں آپ سنن ابوداود اور ترجمہ قرآن کی تدریس میں مصروف ہوئے۔
دوسری جانب قاضی بشیراحمد موحد کے انتقال نے بڑے پیمانے پر ان کے تلامذہ و متعلقین کو غمزدہ کیا ہے۔ ڈاکٹر موحد معروف قانون دان اور شورائے حل اختلاف کے جج تھے۔ نیز آپ سرکاری جامعات میں قانون کا مادہ پڑھاتے تھے۔ قرآن کی خدمت اور نوجوان نسل کو قرآن سکھانے کی کوششوں اور عوام کو ہروقت مفت میں مشورت دینے اور رہنمائی کرنے کی وجہ سے آپ کو کافی مقبولیت حاصل ہوئی تھی۔
نوجوان جج نے کورونا وائرس سے کئی دنوں تک لڑنے کے بعد بالاخر جمعہ تین جولائی دوہزار بیس کی شام کو انتقال کرگئے۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago