عالم اسلام

اسرائیلی فوجیوں نے چیک پوسٹ پر فلسطینی خاتون گولیوں سے بھون ڈالی

قابض صہیونی فوج نے آج بدھ کو مقبوضہ بیت المقدس کے شمال میں واقع قلندیا چوکی پر فائرنگ کرکے ایک فلسطینی خاتون کو شہید کردیا۔
عینی شاہدین نے بتایا کہ قلندیا چوکی پر قائم اسرائیلی فوجیوں نے ایک فلسطینی خاتون کو قریب سے ہی فائرنگ کر کےشہید کیا۔ قابض فوج نے حسب معمول قاتلوں کو بری کرنے کے لیے خاتون کو چاقو بردار قرار دیا ہے تاہم عینی شاہدین نے صہیونی حکام کے اس دعوے کو قطعی بے بنیاد قرار دیا ہے۔
ذرائع نے بتایا کہ قابض فوج نے چوکی سے آمد ورفت بند کردی اور فلسطینی گاڑیوں کو وہاں سے جانے سے روک دیا جس کی وجہ سے ٹریفک جام ہوگئی۔
عبرانی زبان میں نشریات پیش کرنےوالے چینل 12 نے دعوی کیا ہے کہ ایک فلسطینی خاتون (عمر قریبا 50 سال ) چوکی پر پہنچی اور ایک سرحدی محافظ کو گھات لگا کر چاقو سے مارنے کی کوشش کی۔
فوجیوں نے خاتون کو گولی مار کر شدید زخمی کرنے کے بعد سڑک پر پھینک دیا۔ امدادی کارکنوں اور فلسطینیوں نے زخمی خاتون کے قریب جانے کی کوشش کی مگر قابض فوج نے انہیں اس کے قریب جانے سے روک دیا جس کے نتیجے میں وہ سڑک پر ہی دم توڑ گئی۔ بعد ازاں اس کاجسد خاکی ایک مقامی اسپتال منتقل کردیا گیا۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago