شوپیاں میں بھارتی فوج کی فائرنگ سے 3 کشمیری شہید

مقبوضہ کشمیر میں بھارتی فورسز کی جانب سے مظلوم کشمیریوں پر ظلم و ستم کے پہاڑ توڑے جا رہے ہیں۔
مقبوضہ کشمیر کے ضلع شوپیاں میں قابض بھارتی فوج کی فائرنگ سے شہید کشمیریوں کی تعداد 3 ہوگئی۔
قابض بھارتی فوج نے آج صبح ضلع شوپیاں کے علاقے کا محاصرہ کیا اور فائرنگ کر کے 3 کشمیریوں کو شہید کر دیا، جس کے بعد بھارتی فوج کے مظالم کے خلاف علاقے میں احتجاج شروع ہو گیا۔
قابض بھارتی فوج نے مظاہرین پر پیلٹ گنوں سے فائرنگ کی جس کے نتیجے میں 17 کشمیری زخمی ہو گئے، قابض انتظامیہ نے جنوبی کشمیر میں انٹرنیٹ سروس بھی معطل کر رکھی ہے۔