عالم اسلام

غزہ: اسرائیلی فائرنگ سے 247 صحافی اسرائیلی فائرنگ سے زخمی ہوچکے

فلسطین میں صحافیوں کے حقوق کے لیے سرگرم کمیٹی کی طرف سے جاری کردہ ایک رپورٹ میں بتایا گیا ہے کہ 30 مارچ 2018ء کو غزہ کی مشرقی سرحد پر شروع ہونے والے فلسطینی احتجاجی مظاہروں کے دوران اسرائیلی فوج کی طرف سے طاقت کا وحشیانہ استعمال کیا گیا جس کے نتیجے میں دیگر شہریوں کے ساتھ کئی صحافی شہید اور سیکڑوں زخمی ہوچکے ہیں۔
مرکز اطلاعات فلسطین کے مطابق غزہ میں جرنلسٹ سپورٹ کمیٹی کی طرف سے جاری کردہ رپورٹ میں کہا گیا ہے کہ 30 مارچ کے بعد اب تک غزہ میں مظاہروں کی کوریج کرنے والے صحافیوں کو اسرائیلی فوج کی طرف سے براہ راست گولیاں ماری جاتی رہیں۔ قابض فوج کی گولیاں لگنے سے 247 صحافی زخمی ہوچکے ہیں۔
رپورٹ میں بتایا گیا ہے کہ اسرائیلی فوج کے نشانہ باز دانستہ طور پر صحافیوں کی ٹانگوں کو نشانہ بناتے ہیں تاکہ وہ مظاہروں کی کوریج کرنے کے لیے محاذ پر مظاہرین کے شانہ بہ شانہ چل پھر نہ سکیں۔
رپورٹ میں کہا گیا ہے کہ صہیونی ریاست کی طرف سے اپنے جنگی جرائم کو عالمی برادری سے مخفی رکھنے کا ایک مکروہ حربہ صحافیوں کو ہراساں کرنا بھی ہے۔ غزہ میں صحافیوں کو دانستہ طور پر گولیوں کا نشانہ بنایا جاتا ہے۔ ان کی ٹانگیں توڑ دی جاتی ہیں۔
رپورٹ میں کہا گیا ہے کہ قابض فوج نے 30 مارچ کے بعد اب تک 247 صحافیوں کو زخمی کیا۔ ان میں 32 خاتون صحافی بھی شامل ہیں۔ 78 صحافی قابض فوج کی طرف سے کی گئی سیدھی فائرنگ سے زخمی ہوئے۔
رپورٹ میں کہا گیا ہے کہ غزہ کی پٹی میں اسرائیلی فوج صحافیوں کو اس لیے بھی نشانہ بنا رہی ہے کیونکہ عالمی سطح پر صہیونی حکومت فوج کو صحافیوں پر حملوں کے حوالے سے کسی قسم کی پوچھ تاچھ کا سامنا نہیں، اگر اس حوالے سے عالمی سطح پر کوئی آواز بلند کی بھی جاتی ہے تو صہیونی حکومت اپنے جنگی جرائم چھپانے کے لیے دوسرے بہانے تراش لیتی ہے۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago