ایرانی اہل سنت کی خبریں

فرانسیسی سفارتکاروں نے جامع مسجد مکی زاہدان کا دورہ کیا

زاہدان (سنی آن لائن) تہران میں فرانسیسی سفارتخانے کے اعلی وفد نے جامع مسجد مکی کا دورہ کرتے ہوئے گزشتہ روز چھ مئی کو جامعہ دارالعلوم زاہدان کے صدر مولانا عبدالحمید اور بعض اساتذہ سے ملاقات کی۔
فرانسیسی سفیر کے سیاسی اتاشی ’ونسان براکنے‘ مذکورہ وفد کی سربراہی کررہے تھے جس کے ساتھ بعض صوبائی حکام بھی شریک تھے۔
فرانسیسی اتاشی نے جامع مسجد مکی کا دورہ کرتے ہوئے مسجد کی عمارت، طرزِ تعمیر اور خوبصورت میناروں اور گنبدوں کی خوبصورتی سے حیرانی کا اظہار کیا۔
شیخ الاسلام مولانا عبدالحمید نے فرانس کے سفارتکاروں سے گفتگو کرتے ہوئے مختلف اقوام کے باہمی تعلقات کو مفید قرار دیا جس سے باہمی تعامل و تعلق پیدا ہوگا اور ایک دوسرے کو پہچاننے میں مدد ملے گی۔
انہوں نے ’اعتدال و میانہ روی‘ کو دارالعلوم زاہدان کی پالیسی اور طریقہ کار قرار دیا اور فرانس میں پیش آنے والے افسوسناک واقعات کے متاثرین سے ہمدردی کا اظہار کیا۔
ونسان براکنے نے خطیب اہل سنت سے ملاقات کو اپنے لیے باعث فخر یاد کرتے ہوئے انتہائی مسرت کا اظہار کیا۔
انہوں نے جامعہ دارالعلوم زاہدان کے اساتذہ کا شکریہ ادا کرتے ہوئے فرانسیسی قوم سے یکجہتی کے حوالے سے مولانا عبدالحمید کا خصوصی شکریہ ادا کیا۔
اس سے پہلے طے ہوا تھا کہ فرانس کے سفیر بذات خود دارالعلوم زاہدان کا دورہ کرکے مولانا عبدالحمید سے ملیں، لیکن بوجوہ ایسا نہیں ہوا جس پر فرنچ اتاشی نے معذرت مانگی۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago