کابل: افغان دارالحکومت میں زوردار دھماکے، 40 افراد ہلاک

افغان دارالحکومت کابل میں ایک مقامی نیوز ایجنسی ‘افغان وائس’ کی عمارت کے قریب ہونے والے زوردار دھماکے کے نتیجے میں 40 افراد ہلاک جبکہ 30 زخمی ہوگئے ہیں۔
افغان وزارت داخلہ کے حکام نے مقامی میڈیا سے بات کرتے ہوئے بتایا کہ” علاقے میں دو دھماکے سنے گئے ہیں۔ اس وقت دھماکے میں کسی مخصوص ٹارگٹ کو نشانہ بنائے جانے کا نہیں معلوم مگر اسی علاقے میں نیوز ایجنسی افغان وائس واقع ہے۔”
اس وقت تک کسی مسلح گروپ نے اس دھماکے کی ذمہ داری قبول نہیں کی ہے مگر کئی افغان نشریاتی اداروں کے مطابق طالبان نے ایک بیان میں اس دھماکے سے لاتعلقی کا اظہار کیا ہے۔