Categories: عالم اسلام

تاریخ میں پہلی باررابطہ عالم اسلامی کی کانفرنس امریکہ کی میزبانی میں ہورہی ہے

رابطہ عالم اسلامی کی جانب سے جاری کردہ ایک بیان میں کہا گیا ہے کہ امریکا کی میزبانی میں ’عالم اسلام اور امریکا کے درمیان تہذیبی رابطہ کاری‘ کانفرنس آج نیویارک میں ہو رہی ہے۔ یہ پہلا موقع ہے جب امریکا اس نوعیت کی کسی اہم اسلامی کانفرنس کی میزبانی کررہا ہے۔
العربیہ ڈاٹ نیٹ کے مطابق امریکی میزبانی میں ہونے والی ’ریاست ہائے متحدہ امریکا اور عالم اسلام میں رابطہ کاری‘ کے عنوان سے کانفرنس میں اسلامی دنیا سے سیکڑوں وفود شرکت کررہے ہیں۔ کانفرنس میں امریکا سمیت دنیا بھر کے دانشور، سیاسی اور مذہبی رہ نما اور مختلف شعبوں سےوابستہ شخصیات کو بھی مدعو کیا گیا ہے۔
دو روز تک جاری رہنے والی اس کانفرنس میں امریکا اور عالم اسلام کے درمیان تہذیبی روابط کے فروغ، حقائق اور توقعات، امریکا میں اسلام اور مسلمانوں کے مسائل، مذہبی آزادیوں، واشنگٹن اور عالم اسلام کے درمیان فکری، انسانی اور تہذیبی شعبوں میں تعاون کے فروغ اور ایک دوسرے کے بارے میں شکایات دور کرنے جیسے موضوعات پرتبادلہ خیال کیا جائے گا۔
ادھر رابطہ عالم اسلامی کے سیکرٹری جنرل الشیخ ڈاکٹر محمد بن عبدالکریم العیسیٰ نے کہا ہے کہ امریکا میں کانفرنس کے انعقاد کا مقصد اسلامی تہذیب وثقافت کے رخشندہ باب کو دنیا کے سامنے پیش کرنا، دوسری تہذیبوں کے ساتھ ہم آہنگی کا فروغ، انسانی بھائی چارہ، اسلام کی نیکی، عدل واحسان اور حسن سلوک جیسی سنہری روایات سے دنیا کو اجاگر کرتے ہوئے انتہا پسندی کے لیبل کی وجہ سے اسلام کو خراب ہوتی ساکھ کو بچانا ہے۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago