مولانا عبدالحمید کا سانحہ مستونگ پر رنج وغم کا اظہار

زاہدان (سنی آن لائن) اہل سنت ایران کی ممتاز دینی و سماجی شخصیت مولانا عبدالحمید نے مستونگ میں مولانا عبدالغفور حیدری کے قافلے پر مبینہ خودکش حملے کی شدید مذمت کرتے ہوئے گہرے رنج و غم کا اظہار کیا ہے۔
انہوں نے جاں بحق ہونے والوں کے لواحقین سے تعزیت کا اظہار کیاہے۔
خطیب اہل سنت زاہدان مولانا عبدالحمید کی آفیشل ویب سائٹ پر شائع ہونے والے ان کے مذمتی بیان میں جمعہ بارہ مئی کے سانحہ کو ’افسوسناک‘ قرار دیا گیا ہے جس کے پیچھے ’جاہل اور انتہاپسند‘ قوتیں ہیں۔
بیان کے ایک حصے میں آیاہے: پاکستان میں ڈپٹی چیئرمین سینیٹ مولانا عبدالغفور حیدری کے قافلے پر حملہ جس کے نتیجے میں موصوف زخمی ہوئے جبکہ متعدد بے گناہ لوگ شہادت سے ہمکنار ہوئے، انتہائی افسوسناک واقعہ ہے۔ بندہ اس المناک سانحہ کی شدید مذمت کرتاہے جو اس کے پیچھے قوتوں کی سفاہت و نادانی اور انتہاپسندانہ سوچ کی عکاسی کرتاہے۔
صدر دارالعلوم زاہدان نے امیر جمعیت علمائے اسلام مولانا فضل الرحمن اور سیکریٹری جنرل مولانا عبدالغفور حیدری سے تعزیت کا اظہار کرتے ہوئے کہاہے: امید ہے اللہ تعالی جلد از جلد زخمیوں کو شفائے کامل نصیب فرمائے، جاں بحق ہونے والوں کو شہدا و صدیقین کے ساتھ محشور فرمائے اور ان کے پس ماندگان کو اجر و صبر کی دولت سے نوازے۔
یاد رہے مستونگ سانحے میں تیس افراد شہید اور چالیس کے قریب شہری زخمی ہوئے۔ زخمیوں میں مولانا حیدری شامل ہیں جنہیں چوٹیں آئیں۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago