ایران کے سابق صدر ہاشمی رفسنجانی انتقال کر گئے

ایران کے سابق ایرانی صدر اور ملک کی نامور سیاسی شخصیت علی اکبر ہاشمی رفسنجانی 82 برس کی عمر میں انتقال کر گئے ہیں۔
علی اکبر رفسنجانی دل کے عارضے میں مبتلا تھے اور اتوار کو انھیں ہسپتال پہنچایا گیا تھا۔
وہ ایران میں سنہ 1989 سے 1997 تک صدارت کے عہدے پر فائز رہے تھے تاہم سنہ 2005 میں انھیں محمود احمدی نژاد سے شکست ہوئی تھی۔
ہاشمی رفسنجانی مجمع تشخیص مصلحت نظام کے سربراہ تھے جس کا کام پارلیمان اور شوریٰ نگہبان کے درمیان تنازعات کو حل کرنے کی کوشش کرنا ہے۔

بی بی سی اردو