شیخ امینی: زاہدانی عوام کو سلام پیش کرنا چاہیے

زاہدان (سنی آن لائن) ممتاز سنی عالم دین، شیخ محمدعلی امینی نے زاہدان کے سنی عوام سے خطاب کرتے ہوئے ان کی ہوشیاری و اتحاد پر انہیں خراج تحسین پیش کیا۔
اہل سنت ایران کی آفیشل ویب سائٹ، سنی آن لائن، کے نامہ نگاروں کے مطابق، شیخ امینی نے زاہدان میں اجتماع برائے جمعہ سے خطاب کے دوران مسرت کا اظہار کرتے ہوئے کہا: زاہدان میں نیک اور متحد عوام کے درمیان خود کودیکھ کر بڑی خوشی ہوئی۔
انہوں نے کہا: اچھے اور نرم خو لوگ، لائق اور مستعد علمائے کرام، اتحاد و یکجہتی اور حضرت مولانا عبدالحمید حفظہ اللہ کی قیادت و رہنمائی بڑی نعمتیں اور مواقع ہیں۔
جنوبی ایران کے ممتاز عالم دین نے مزیدکہا: متحد، سمجھدار اور آگاہ لوگوں کا حضور ایک خدائی مسئلہ ہے جو کسی بھی چیز سے بڑھ کر قیمتی اور پائیدار ہے۔ زاہدان کے ہوشیار اور آگاہ عوام کو سلام پیش کرتاہوں۔

اپنے خطاب کے پہلے حصے میں سلطان العلما تعلیمی و ثقافتی ادارے کے مدیر نے اسلام کی آفاقیت پر روشنی ڈالتے ہوئے کہا: اسلام اللہ تعالی ہی کی طرف سے ہر زمانے اور ہر علاقے کے لیے ہے۔ یہ ایک جامع دین ہے جو انسانی معاشرے کے لیے ترقی، جامعیت اور استحکام کا تحفہ پیش کرتاہے۔
شیخ امینی نے مزیدکہا: اسلام بندے کو اللہ تعالی سے جوڑتاہے اور فانی و سفلی دنیا کو باقی و علیا کی جہان سے متصل کرتاہے۔ اسلام کی تمام تعلیمات اور احکام کا مطلب یہی ہے کہ بندہ اپنے واحد خالق و مالک سے مل جائے اور اس کی رہنمائیوں کے مطابق زندگی گزارلے۔
یاد رہے شیخ محمدعلی امینی جنوبی ایران میں اہل سنت کی شافعی برادری میں اہم اور چوٹی کے علما میں شمار ہوتے ہیں اور ایک اہم تعلیمی ادارے کی سربراہی کے علاوہ، قشم جزیرے میں خطیب جمعہ ہیں اور اہل سنت جنوب کی فتوا کمیٹی کے رکن بھی ہیں۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago