Categories: عالم اسلام

مضایا میں بھوک سے مزید 16 افراد جاں بحق

فلاحی ادارے میڈیسن ساں فرنٹیئرز کا کہنا ہے کہ شام کے علاقے مضایا میں اقوامِ متحدہ کا امدادی قافلے پہنچنے کے بعد بھی کم سے کم 16 افراد بھوک کے باعث جاں بحق ہو گئے ہیں۔

امدادی ادارے کا کہنا ہے کہ مزید 33 افراد ایسے ہیں جن کی حالت خطرے میں ہے۔
ایم ایس ایف کی کارروائیوں سے متعلق ڈائریکٹر برِس دی لا وینے کا کہنا تھا کہ یہ صورتحال نا قابلِ قبول ہے۔ لوگوں کو ہفتوں پہلے وہاں سے منتقل کیا جانا چاہیے تھا۔
ایم ایس ایف کے مطابق گذشتہ برس اس قصبے میں فاقہ کشی کے باعث 30 افراد جاں بحق ہوئے تھے۔
جنوری کے اوائل میں اس وقت دواؤں اور خوراک کے دو ہنگامی امدادی قافلے مضایا روانہ کیےگئے جب یہ علم ہوا کہ 40 ہزار لوگ انتہائی ہولناک حالت میں ہیں۔
یہ رپورٹ ایسے وقت میں سامنے آئی ہے جو شام کے تنازع پر جنیوا میں مذاکرات ختم ہونے کو ہیں۔
شامی حزبِ اختلاف کے بڑے گروہ سنیچر کو جنیوا پہنچنے والے ہیں۔ انھوں نے آغاز میں امن مذاکرات کا بائیکاٹ کیا تھا۔ ان محصور قصبوں کے لیے امداد کی فراہمی ان کے بڑے مطالبات میں سے ایک تھی۔
اقوامِ متحدہ کے مطابق شام کے کم سے کم 15 مقامات پر کم سے کم چار لاکھ افراد پھنسے ہوئے ہیں اور انھیں ہنگامی بنیادوں پر مدد کی ضرورت ہے۔ یہ علاقے حکومت کی حامی فورسز اور باغیوں دونوں ہی کے محاصرے میں ہیں۔
مضایا دمشق کے شمال مغرب میں 25 کلو میٹر کے فاصلے پر پہاڑوں کے دامن میں واقع ہے۔ اس کا چھ ماہ سے حکومتی فورسز اور ان کے اتحادی حزب اللہ تحریک نے محاصرہ کر رکھا ہے۔
انسانی حقوق کے تنظیموں نے سینکڑوں افراد کو فوری نکالنے اور طبی امداد فراہم کرنے کا مطالبہ کیا ہے۔
تاہم ایم ایس ایف کا کہنا ہے کہ مضایا میں لوگ مسلسل مر رہے ہیں کیونکہ حکومتی فورسز بیمار لوگوں کب بھی باہر نہیں جانے دی رہیں اور نہ ہی طبی امداد اور خوراک کو اندر جانے دیا جا رہا ہے۔
ایم ایس کے کے ڈائریکٹر کا کہنا ہے کہ ’یہ مکمل طور پر ناقابلِ قبول ہے کہ لوگ فاقوں سے مر رہے ہیں اور بیمار لوگ اب بھی وہاں ہیں جبکہ انھیں ہفتوں پہلے وہاں سے نکل جانا چاہیے تھا۔‘
تنظیم کے مطابق حالیہ 16 ہلاکتیں ایم ایس ایف کے ساتھ کام کرنے والے طبی کارکنوں نے بتائی ہیں اور وہاں کوئی ڈاکٹر بھی موجود نہیں ہے۔
اس سے پہلے ایم ایس ایف نے بتایا تھا کہ یکم دسمبر سے جنوری کے آغاز کم سے کم 30 افراد جاں بحق ہوئے تھے۔
تاہم حزب اللہ نے ان ہلاکتوں کی تردید کی ہے اور کہا ہے کہ باغی رہنما لوگوں کو علاقے سے باہر نہیں آنے دے رہے۔

بی بی سی اردو

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago