Categories: عالم اسلام

شام: حمص میں بم دھماکے ،32 افراد ہلاک ،90 زخمی

شام کے وسطی شہر حمص میں دو بم دھماکوں کے نتیجے میں بتیس افراد ہلاک اور نوّے سے زیادہ زخمی ہوگئے ہیں۔

برطانیہ میں قائم شامی آبزرویٹری برائے انسانی حقوق کی اطلاع کے مطابق حمص کے وسطی علاقے الزہرا میں سوموار کے روز بارود سے بھری ایک کار کو دھماکے سے اڑایا گیا ہے اور ایک جگہ پر حملہ آور بمبار نے خود کو دھماکے سے اڑا دیا ہے۔
شام کی سرکاری خبررساں ایجنسی سانا نے دو کار بم دھماکوں کی اطلاع دی ہے اور ان دونوں میں ہلاکتوں کی تعداد چھے بتائی ہے اور کہا ہے کہ سینتیس افراد زخمی ہوئے ہیں۔
اسی ماہ کے اوائل میں حمص میں شامی حکومت اور باغی جنگجوؤں کے درمیان جنگ بندی کا سمجھوتا ہوا تھا۔اس کے بعد شہر میں یہ دوسرا بڑا حملہ ہے۔اس جنگ بندی کے تحت صدر بشارالاسد کی وفادار فوج کے لیے اس شہر کے باغیوں کے زیر قبضہ علاقے پرکنٹرول کی راہ ہموار ہوگئی تھی۔
اس سے پہلے 12 دسمبر کو الزہرا ہی کے علاقے میں دو بم دھماکے ہوئے تھے۔ان میں سولہ افراد ہلاک ہوگئے تھے۔سخت گیر جنگجو گروپ دولت اسلامیہ عراق وشام (داعش) نے اس حملے کی ذمے داری قبول کی تھی اور کہا تھا کہ اس کے ایک خودکش بمبار نے بارود سے بھری کار کو دھماکے سے اڑایا تھا۔
حمص میں طے پائے جنگ بندی کے سمجھوتے کے تحت شامی فوج نے کم سے کم سات سو باغی جنگجوؤں اور ان کے خاندانوں کو محفوظ راستہ دیا تھا اور وہ وہاں سے دوسرے علاقوں کی جانب چلے گئے تھے۔

العربیہ ڈاٹ نیٹ

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago