Categories: عالم اسلام

یمن میں زنجبار سے حوثی باغیوں کو ’باہر دھکیل دیا گیا‘

یمن سے موصول ہونے والی اطلاعات کےمطابق حکومتی افواج نے سعودی اتحاد کی فضائی بمباری کی مدد سے حوثی باغیوں کے زیرِ تسلط زنجبار شہر پر دوبارہ قبضہ کر لیا ہے۔
خیال رہے کہ یمن کے جنوبی صوبے ابیان کے دارالحکومت زنجبار میں حالیہ دنوں کے دوران حکومتی افواج اور حوثی باغیوں کے درمیان شدید لڑائی جاری تھی۔
اس شہر کا سقوط حوثی باغیوں کے لیے ایک اور بڑا دھچکہ ہے کیونکہ انھیں حالیہ دنوں انھیں کئی محاذوں پر شکست کا سامنا رہا ہے۔
حوثی باغیوں کو عدن کے ہاتھ سے جانے کے بعد اس ہفتے ایک اہم ہوائی اڈے سے ہاتھ دھونا پڑا تھا۔
اطلاعات کے مطابق حکومتی افواج عدن کے مشرق میں 50 کلومیٹر دور واقع شہر زنجبار میں داخل ہو گئی ہیں۔
عدن کے محکمۂ صحت کے سربراہ کا کہنا ہے کہ اِختتام ہفتہ ہونے والی لڑائی میں کم سے کم 19 افراد ہلاک اور 150 سے زائد زخمی ہو گئے تھے۔
دوسری جانب متحد عرب امارات کا کہنا ہے کہ سعودی عرب کی سربراہی میں جاری مہم کے دوران سینچر کو ان کے تین فوجی ہلاک ہو گئے۔
متحد عرب امارات کی سرکاری ایجنسی ڈبلیو اے ایم کی جانب سے جاری ہونے والے بیان میں یہ نہیں بتایا گیا کہ یہ فوجی کیسے ہلاک ہوئے؟
خیال رہے کہ حوثی باغیوں نے مارچ میں جنوب کی جانب پیش قدمی کی تھی جس سے صدر منصور ہادی کو سعودی عرب بھاگنے پر مجبور ہونا پڑا تھا۔
سّنی ملک سعودی عرب کا خیال ہے کہ اس کا شیعہ حریف ایران حوثی باغیوں کی مدد کررہا ہے۔ اس کا کہنا ہے کہ ایران نے حوثیوں کو مسلح کیا ہے لیکن ایران اور حوثی دونوں ان الزامات کی تردید کرتے ہیں۔
یمن کے سابق صدر علی عبداللہ صالح کی فورسز کی حمایت والے حوثی باغیوں کا کہنا ہے کہ وہ مسٹر ہادی کی حکومت کی بدعنوانی اور ان کے شمالی گڑھ کو حاشیے پر لانے کے خلاف لڑ رہے ہیں۔
اقوام متحدہ کے مطابق اس جنگ میں مارچ سے ابھی تک چار ہزار افراد ہلاک ہو چکے ہیں جن میں سے نصف تعداد عام شہریوں کی ہے۔

بی بی سی اردو

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago