Categories: پاکستان

پاکستان، صوبہ خیبر پختون خواہ کے وزیر قانون کا قتل

پاکستان کے صوبے خیبر پختونخوا کے وزیر قانون اسرار اللہ گنڈاپور ایک خود کش حملے میں ہلاک ہو گئے ہیں۔

 

اطلاع کے مطابق ڈیرہ اسماعیل خان میں صوبائی وزیر قانون سردار اسرار اللہ خان گنڈا پور کے گھر پر خود کش دھماکا کیا گیا ہے۔ جس میں صوبائی وزیر قانون سمیت 8 افراد جاں بحق اور متعدد افراد زخمی ہو گئے ہیں۔

عینی شاہدین کے حوالے سے بتایا گیا ہے کہ سردار اسرار اللہ خان گنڈا پور اپنے گھر میں لوگوں سے عید ملنے میں مصروف تھے کہ اچانک مہمانوں کے بھیس میں آنے والے 2 خود کش حملہ آوروں نے خود کو دھماکے سے اڑا لیا جس سے صوبائی وزیر اسرار اللہ خان گنڈا پور سمیت 8 افراد جاں بحق جبکہ متعدد زخمی ہو گئے۔

انھیں اور دیگر زخمی افراد کو فوری طور پر کلاچی ہسپتال میں طبی امداد کیلئے بھیجا گیا تاہم وہ اور دیگر افراد زخموں کی تاب نہ لاتے ہوئے جاں بحق ہو گئے۔ دھماکے میں صوبائی وزیر کے 2 بھائیوں کے زخمی ہونے کی بھی اطلاعات ہیں۔

پولیس کے مطابق یہ دھماکا خود کش تھاجس میں صوبائی وزیر کو نشانہ بنایاگیا۔ دہشتگردی کے واقعہ کی اطلاع ملتے ہی قانون نافذ کرنے والے ادارے حرکت میں آ گئے ہیں۔ اور علاقے کو گھیرے میں لے کر تفتیش شروع کر دی گئی ہے۔

اسرار اللہ خان گنڈا پور کا تعلق ڈیرہ اسماعیل خان کے علاقے کولاچی سے تھا۔ ان کی عمر 36 سال تھی۔ اسرار اللہ گنڈا پور 2013ء کے عام انتخابات میں ڈی آئی خان کے صوبائی حلقے پی کے 67 سے آزاد امیدوار کے طور پر جیتے تھے جس کے بعد انہوں نے پاکستان تحریک انصاف میں شمولیت اختیار کر لی تھی۔

ڈیرہ اسماعیل خان سے 65 کلومیٹر دور کولاچی کے علاقے  کے دو مقامات پر صوبائی وزیر قانون اسرار اللہ گنڈا پور سمیت تمام جاں بحق افراد کی نماز جنازہ آج 17اکتوبر کو ادا کی گئی جس کے بعد انہیں سپردخاک کردیا گیا۔ نماز جنازہ میں وزیراعلیٰ خیبرپختونخوا پرویزخٹک، آفتاب احمد شیرپاؤ اور دیگرسیاسی رہنماؤں نے شرکت کی۔

 ٹی آر ٹی

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago