ہندو نوجوان کی زندگی بچاتے ہوئے دو مسلمان جان دے بیٹھے

پاکستان کےصوبہ خیبر پختونخوا کے شہرڈیرہ اسماعیل خان میں مذہبی رواداری کا حیرت انگیزواقعہ رونما ہوا جس میں ہندو جوان کو بچاتے ہوئےدو مسلمانوں نے اپنی جان دے دی۔

ان میں سےایک حافظ قران اور نومسلم تھا جس نے ڈیڑھ سال قبل عیسائیت مذہب چھوڑ کر مذہب اسلام قبول کرلیا تھا۔
چند روز قبل ڈیرہ اسماعیل خان میں تبلیغی مرکز زکریا مسجد کےسامنے ایک ہندو نوجوان راجیش گٹر کی صفائی میں مصروف تھا کہ حادثہ رونما ہوا۔
عینی شاہدین کا کہنا ہے کہ راجیش صفائی کیلئے گٹر میں نیچا اترا تو زہریلی گیس کے باعث وہ بے ہوش ہوگیا، راجیش کی جان بچانے کیلئےداؤد نامی نوجوان گٹر میں اترالیکن وہ بھی وہیں بے ہوش ہوگیا۔
ان دونوں کو بچانے کیلئے ذکریا مسجد سے حافظ اسداللہ وہاں پہنچےاور انہیں بچانے کیلئےگٹر میں اترگئے۔
عینی شاہدین کا کہنا ہے کہ حافظ اسد اللہ دونوں افراد کو اپنی چادر سے باندھ کر باہر نکال رہے تھے کہ ان کا پاؤں بھی پھسل گیا اور وہ بھی گٹر میں جاگرے، واقعہ میں تینوں افراد جان کی بازی ہار گئے۔

دی نیوز ٹرائب