Categories: مشرق وسطی

شامی وزیر اعظم وائل الحلقی بم دھماکے میں بال بال بچ گئے

شام کے وزیراعظم وائل الحلقی پیر کے روز دارلحکومت میں اپنے قافلے پر کئے جانے والے بم حملے میں بال بال بچ گئے۔
شدید نوعیت کے دھماکے کے بعد ان کی سلامتی سے متعلق مختلف افواہیں گردش کرنے لگی تھیں جن کا منہ بند کرنے کے لئے شام کے سرکاری نیوز چینل ‘الاخباریہ’ نے اپنے خبرنامے میں دھماکے کے بارے میں خبر دیتے ہوئے ایک ویڈیو نشر کی جس میں وائل الحلقی کو کابینہ کے ایک اجلاس کی صدارت کرتے ہوئے دکھایا گیا۔
ویڈیو میں الحلقی نمایاں طور پر دیکھے جا سکتے ہیں اور بعد میں انہوں نے شامی ٹی وی سے بات کرتے ہوئے کابینہ کے جاری اجلاس کے ایجنڈے پر روشنی ڈالی۔ انہوں نے اپنی گفتگو میں ذرا بھی اس بات کا تاثر نہیں دیا کہ وہ اپنے قافلے پر ہونے والے بم دھماکے میں بال بال بچے ہیں۔ دمشق کے مقامی وقت صبح نو بجے الحلقی کے قافلے پر اس وقت بم حملہ کیا گیا جب ان کا قافلہ دمشق کے وسطی علاقے المزہ سے گزر رہا تھا۔ اس حملے میں ان کا ذاتی محافظ اور ڈرائیور جاں بحق ہو گئے۔
ادھر شامی انقلاب کونسل کے دیب الدمشقی نے کہا ہے کہ اس حملے میں ظاہر کی جانے والی تعداد سے زیادہ ہلاکتیں ہوئی ہیں۔ انہوں نے بتایا کہ دھماکے کے چند لمحے بعد ہی شامی وزیر اطلاعات کے جائے حادثہ کا دورہ کیا۔
سرکاری ٹی وی کے مطابق الحلقی کے قافلے پر حملہ المزہ پبلک پارک اور سکول کے قریب ہوا۔ جس علاقے میں بم دھماکا کیا گیا وہاں سیکیورٹی انتہائی سخت رکھی جاتی ہے اور اس علاقے میں سفارتخانے، حکومتی اور انٹلیجنس اداروں کے دفاتر اور اہم سیاسی شخصیات کی رہائش گاہیں ہیں۔

العربیہ ڈاٹ نیٹ

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago