ضمانت کی خلاف ورزی کرنے پر ابو قتادہ گرفتار

لندن پولیس نے سخت گیر مبلغ ابو قتادہ کو ان کی جانب سے میبنہ طور پر ضمانت کی شرائط کی خلاف ورزی کرنے پر گرفتار کر لیا ہے۔
ان کی گرفتاری برطانوی حکومت کی جانب سے انہیں ملک بدر کرنے کی نئی کوشش سے چند روز پہلے عمل میں آئی ہے۔
یو کے بارڈر ایجنسی کے حکام نے ابو قتادہ کو لندن کی انسدادِ دہشتگردی پولیس کے چھاپے کے ایک روز بعد جمعے کو گرفتار کیا۔
برطانوی حکومت ابو قتادہ کو ایک جج کی جانب سے برطانیہ میں رہنے کی اجازت دینے کے فیصلے کو ختم کروانے کے لیے پیر کو کورٹ آف اپیل سے رجوع کرے گی۔
برطانیہ کی سیکرٹری داخلہ ٹریسا مے ابو قتادہ کو برطانیہ میں رہنے کی اجازت دینے کے فیصلے کو کورٹ آف اپیل کے تین ججوں کے سامنے چیلنج کریں گی جس کی صدارت لارڈ ڈائسن کریں گے۔
برطانوی دفترِ خارجہ کے ایک ترجمان کا کہنا ہے کہ یو کے بارڈر ایجنسی نے باون سالہ ابو قتادہ کو مبینہ طور پر ان کی جانب سے ضمانت کی شرائط کی خلاف ورزی کرنے پر گرفتار کیا۔
خیال رہے کہ سپیشل امیگریشن اپیل کمیشن نے ابو قتادہ کی ضمانت کے حوالے سے سخت شرائط عائد کر رکھی ہیں۔
ترجمان کے مطابق سپیشل امیگریشن اپیل کمیشن ابو قتادہ کے کیس پر جلد از جلد غور کرے گی۔
میٹرو پولیٹن پولیس کے ترجمان کا کہنا ہے کہ لندن کے شمال مغرب میں واقع ایک رہائشی ایڈریس، لندن کے مغرب میں رہائشی ایڈریس اور لندن کے شمال مغرب میں ایک بزنس ایڈریس پر تلاش مکمل کر لی گئی ہے۔
خیال رہے کہ ابو قتادہ جن کا اصل نام ابو عثمان ہے، یورپ میں سب سے زیادہ با اثر اسلامی مبلغوں میں سے ایک ہیں اور وہ جہادیوں کی حمایت کرتے رہے ہیں۔ برطانوی جج انہیں ایک خطرناک شخص قرار دے چکے ہیں۔
ان کے خلاف برطانیہ میں کبھی مقدمہ نہیں چلایا گیا، لیکن انہیں بغیر کسی الزام کے حراست میں رکھا گیا ہے اور ایک کنٹرول آرڈر کے تحت ان کی حرکات و سکنات کو محدود کیا گیا ہے۔
ابو قتادہ سنہ انیس سو ترانوے میں دو مرتبہ ٹارچر سہنے کے بعد اردن سے فرار ہو کر برطانیہ آ گئے تھے۔

بی بی سی اردو

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago