Categories: پاکستان

کراچی : دھماکے اور ٹارگٹ کلنگ جاری

کل بروز بدھ شہر میں دہشت گردی اور ٹارگٹ کلنگ کے واقعات کا سلسلہ جاری رہا۔
ڈان نیوز کی رپورٹ کے مطابق شاہ فیصل کالونی اور بلوچ کالونی میں بم پھٹنے کے واقعات کے علاوہ میں بی سینیا لائن، گلستان جوہر، گلبرگ اور گلشن معمار میں فائرنگ سے چار افراد ہلاک ہوئے۔
اورنگی ٹاؤن میں عارف نامی شخص کو، سرجانی ٹاؤن میں مذہبی جماعت کے کارکن، جبکہ نارتھ کراچی اور ناگن چورنگی کے قریب دو افراد کو گولیوں کو نشانہ بنایا گیا۔
دوسری جانب حب ریور روڈ سے ایک شخص کی تشدد زدہ لاش بھی برامد ہوئی۔
کیماڑی میں کے پی ٹی گیٹ کے قریب نامعلوم افراد کی فائرنگ کی زد میں آکر پاک بحریہ کے لیفٹننٹ کمانڈر سید عظیم زخمی ہوگئے۔
تفصیلات کے مطابق شاہ فیصل پولیس اسٹیشن کے قریب موٹرسائیکل سوار ملزمان دھماکہ خیز مواد رکھ رہے تھے کہ بم زوردار دھماکے سے پھٹ گیا، جس کے نتیجے میں بم رکھنے والا دہشت گرد زخمی ہوا۔
زخمی شخص کو اس کا  موٹر سائیکل سوار ساتھی اپنے ہمراہ لے کر فرار ہوگیا۔
ڈان نیوز کے مطابق  پولیس نے اطلاع ملنے پر زخمی ملزم صابر کو جناح اسپتال سے گرفتار کرکے نامعلوم مقام پر منتقل کردیا۔
دوسری جانب بلوچ کالونی تھانے کے قریب لگنے والے بچت بازار کی پارکنگ میں کھڑی موٹر سائیکل میں دھماکہ خیز مواد پھٹنے سے بھگدڑ مچ گئی۔
پولیس نے موقع پر پہنچ کر تفتیش شروع کر دی۔ اس دھماکے میں کوئی جانی نقصان نہیں ہوا۔ پولیس کے مطابق بم آدھا کلو گرام وزنی تھا۔
شاہ لطیف ٹاؤن میں رینجرز نے ٹارگیٹیڈ آپریشن کے دوران ایک گھر سے پانچ بم برآمد ہونے پر علاقے کو گھیرے میں لے لیا۔
رینجرز کے کرنل آفتاب نے ڈان نیوز کو بتایا کہ رینجرز نے پانچ روز قبل اللہ والا ٹاؤن میں کارروائی کی تھی جس سے انکشاف ہوا تھا کہ دہشت گردوں نے بم کسی دوسرے مقام پر منتقل کردیے ہیں، جس کا سراغ لگا کر پانچ بم برآمد کرلیے ہیں۔
بم ڈسپوزل اسکواڈ کی ٹیم نے فوری طور پر بموں کو ناکارہ بنادیا۔ بم ڈسپوزل اسکواڈ کے مطابق پانچوں بم نوّے فیصد مکمل تھے اس میں صرف ڈیٹونیٹر نصب نہیں تھا۔

ڈان نیوز

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago