Categories: مشرق وسطی

شام، جھڑپوں اور بمباری سے70سے افراد ہلاک، باغیوں نے ہیلی کاپٹر مار گرایا

شام میںپیرکوجاری رہنے والی جھڑپوں، بمباری اور تشددکی دیگرکارروائیوں میں کم ازکم مزید 70 افرادہلاک ہوگئے .
ان میں 16باغیوں ،30 سرکاری فوجیوں سمیت 46افراد خان آسل کے قریب ملٹری اکیڈمی پر قبضے کیلیے ہونے والی لڑائی میں ہلاک ہوئے۔باغیوں نے ایک ہیلی کاپٹرمارگرایا۔ اپوزیشن نے شامی فوج پران کی ہلاکت کا الزام لگایاہے۔شامی حکومت نے اتوارکوحلب پر اسکڈمیزائل سے حملے کی تردیدکی ہے۔اس حملے میں 58 افراد ہلاک ہوگئے تھے ۔دمشق میں سرکاری فوج کی گولاباری میں ایک چرچ تباہ ہوگیا۔بشارالاسدحکومت نے باغیوں کیساتھ مذاکرات پرآمادگی ظاہرکردی ہے۔
یہ اعلان ماسکومیں وزیر خارجہ ولیدمعلم نے روسی ہم منصب سے ملاقات کے بعد کیا۔ شامی اپوزیشن نے ملک میں خونریزی رکوانے میں ناکامی کا الزام لگاتے ہوئے روم میں ہونے والے فرینڈزآف سیریا کے رکن11ممالک کے آج ہونیوالے اجلاس کے بائیکاٹ کا اعلان کیاہے۔فری سیریئین آرمی کے سربراہ سالم ادریس نے کہاہے کہ مذاکرات سے قبل صدربشارالاسدکواقتدارسے الگ اورسرکاری فوج کوتمام شہروں سے واپس بلایا جائے۔
امریکی وزیرخارجہ جان کیری نے شامی اپوزیشن پرزوردیاہے کہ وہ روم کے اجلاس کا بائیکاٹ نہ کرے ۔اقوام متحدہ کی انسانی حقوق کونسل کی سربراہ نوی پلے نے کہاہے کہ سلامتی کونسل شام میں خوریزی بندکرانے میں ناکام ہوگئی ہے۔دوسال سے شام میں قتل وغارت جاری ہے لیکن عالمی برادری اپنی ذمے داری میں ناکام نظرآتی ہے۔ بلجیئم کے وزیرخارجہ دائیدررینڈیرز جوان دنوں اردن کے دورے پرہیں نے شام کے بحران کا سیاسی حل تلاش کرنے کیلیے صدربشارالاسدکومذاکرات سے الگ رکھنے کا مطالبہ کیاہے۔

ایکسپریس نیوز

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago