Categories: مشرق وسطی

شامی اپوزیشن روم مذاکرات میں شریک ہوگی

شام کی اپوزیشن جماعتوں نے ملک میں قیامِ امن کی کوششوں کے سلسلے عالمی سفارتی مذاکرات میں شرکت نہ کرنے کا فیصلہ تبدیل کرنے کا اعلان کیا ہے۔
شامی قومی اتحاد کے رہنما معاذ الخطیب نے رواں ہفتے اٹلی کے شہر روم میں ہونے والے بین الاقوامی اجلاس میں شرکت کا اعلان کرتے ہوئے بتایا ہے کہ فیصلے میں تبدیلی کی وجہ امریکی اور برطانوی وزرائے خارجہ کی جانب سے شامی عوام کی مشکلات میں کمی کے لیے مخصوص امداد کی فراہمی کی یقین دہانی ہے۔
شامی حزبِ اختلاف نے سفارتی مذاکرات میں شرکت نہ کرنے کا فیصلہ اس بنیاد پر کیا تھا کہ بیرونی دنیا شام میں ہونے والے قتل عام کو بند کرانے میں بری طرح ناکام رہی ہے۔
اس سے قبل برطانیہ کے دورے پر آئے ہوئے امریکی وزیرِ خارجہ جان کیری نے پیر کو شامی اپوزیشن پر زور دیا تھا کہ وہ جمعرات کو روم میں ہونے والی بات چیت میں حصہ لے۔
انہوں نے کہا کہ وہ سمجھتے ہیں کہ شامی نتیجہ خیز بات چیت چاہتے ہیں اور وہ وعدہ کرتے ہیں کہ یہ صرف بات چیت برائے بات چیت نہیں ہوگی۔
یر کو برطانوی وزیرِ خارجہ ولیم ہیگ سے ملاقات کے بعد جان کیری نے شامی اپوزیشن کونسل کے صدر معاذ الخطیب سے بھی فون پر بات کی تھی۔
اسی بات چیت کے بعد شامی رہنما کی جانب سے مذاکرات میں شرکت کرنے کا اعلان کیا گیا ہے۔
ادھر شام کے وزیرِ خارجہ نے کہا ہے کہ ان کی حکومت مسلح باغیوں سمیت اپنے تمام مخالفین سے بات چیت کے لیے تیار ہے۔
شامی اپوزیشن رہنما معاذ الخطیب نے تین ہفتے پہلے ملک میں تشدد کے خاتمے کے لیے شامی حکومت کے نمائندوں کے ساتھ مذاکرات پر آمادگی ظاہر کی تھی۔ ان کی کوششوں کو روس سمیت تمام عالمی طاقتوں کی حمایت حاصل تھی۔

بی بی سی اردو

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago