Categories: پاکستان

پاکستان کے کئی علاقوں میں 5.8 شدت کا زلزلہ

پاکستان کے صوبے خیبر پختونخوا، پنجاب اور آزاد کشمیر کے کئی علاقوں میں زلزلے کے شدید جھٹکے محسوس کیے گئے ہیں۔ ریکٹر سکیل پر 5.8 کی شدت سے آنے والے یہ جھٹکے دارالحکومت اسلام آباد میں بھی محسوس کیے گئے۔
امریکی جیولوجیکل سروے (یو ایس گی ایس) کے مطابق رات گئے آنے والے اس زلزلے کا مرکز پاکستان کے شمالی علاقے چترال سے 130 کلو میٹر دور مغرب میں ہندو کش کے پہاڑوں کے نیچے 115 کلومیٹر کی گہرائی پر تھا۔
ریڈیو پاکستان کے مطابق اسلام آباد، چترال اور پشاور کے علاوہ زلزلے کے جھٹکے گلگت، سکردو، ایبٹ آباد، سوات، مظفرآباد، میرپور، کوہاٹ، نوشہرہ، لاہور، فیصل آباد، گجرانوالہ اور سرائے عالمگیر میں محسوس کیے گئے۔ یہ جھٹکے کم از کم پندرہ سیکنڈ تک جاری رہے۔
ابھی تک کسی قسم کے جانی نقصان کی خبر نہیں ملی ہے لیکن زلزلے کے شدید جھٹکے پاکستان کے علاوہ افغانستان کے دارالحکومت کابل اور دیگر علاقوں میں بھی محسوس کیے گئے ہیں۔
افغانستان کے شمالی حصوں میں، خصوصاً ہندو کش کے پہاڑی علاقے میں، اکثر زلزلے آتے رہتے ہیں۔ یہ اس جگہ کے قریب ہے جہاں یوریشیئن اور انڈین ٹیکٹونک پلیٹیں آپس میں ٹکراتی ہیں۔
بی بی سی اردو

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago