Categories: پاکستان

کراچی: نامعلوم دہشت گردوں کی فائرنگ سے ممتازعالم دین شہید

کراچی میں ابوالحسن اصفہانی روڈ پر مسلح دہشت گردوں کی فائرنگ سے سوموار تین دسمبر کو “جامعہ عربیہ احسن العلوم” سے وابستہ مولانا محمد اسماعیل شہید ہوگئے۔ ممتاز عالم دین مولانا محمد اسماعیل کی نماز جنازه ہزاروں افراد کی موجودگی میں جامعہ احسن العلوم میں ادا کی گئی۔


پولیس کے مطابق مولانا محمد اسماعیل کو کل صبح ابوالحسن اصفہانی روڈ پر اس وقت نشانہ بنایا جب وہ اپنے گھر سے مدرسہ احسن العلوم جانے کیلئے نکلے تھے۔
ان کی شہادت کی اطلاع ملتے ہی علاقے میں اشتعال پھیل گیا اور مشتعل افراد نے بازار اور دکانیں بند کرادیں۔
ڈنڈا بردار افراد نے راشد منہاس روڈ پرمتعدد گاڑیوں کو آگ لگادی، جبکہ موتی محل میں شراب کی ایک دوکان بھی تباہ کردی گئی۔

شہیدہونے والے عالم دین گزشتہ پندرہ برس سے درس و تدریس کے شعبے سے وابستہ تھے۔ آپ جامعہ احسن العلوم ہی کے فاضل اور استاذ الحدیث تھے۔ مولانا محمداسماعیل چار بچوں کے والد تھے۔

حکومت مولانا اسماعیل کے قاتلوں کو گرفتار کرے، مولانا حمد اللہ
جمعیت علمائے اسلام کے مرکزی رہنما اوربزرگ عالم دین شیخ الحدیث والقرآن مولاناحمد اللہ جان باباجی نے کراچی میں مدرسہ احسن العلوم کے مہتمم مولانا اسماعیل کی شہادت پرگہرے غم وغصے کا اظہار کرتے ہوئے کہا ہے کہ حکومت جلد از جلد قاتلوں کو گرفتار کرکے پھانسی پرلٹکائے۔

انھوں نے کہا کراچی کے مدارس کے طلبا پر پے درپے حملے اللہ تعالیٰ سے کھلی جنگ کے مترادف ہے۔

انھوں نے حکمرانوں سے اپیل کی کہ اللہ کی خاطر اس فساداورظلم کوروکنے کیلیے جلداز جلد اقدامات کریں اس سے پہلے کہ آپ لوگوں کی بساط لپٹ جائے۔تعلیم کاپرچار کرنیوالے حکمران مدرسوں کے طلبااور اساتذہ کی شہادت پرکیاعلم دوستی کیلیے خاموش تماشائی بنے ہوئے ہیں۔ کیا صرف لارڈ میکالے کے پیرو کاروں کوآپ طالب علم اوراستادمانتے ہیں یارسول کریمؐ کے پیروکاروں کوبھی طالب علم اور استادماننے کیلیے تیارہیں۔

انھوں نے کہا حکمرانوں کی دوغلی پالیسیاں ہی فساد کی جڑ ہیں۔جو حکومت اپنے شہریوں کو تحفظ نہیں دے سکتی اسے حکمرانی کا کوئی حق نہیں۔

پاکستان کی متعدد دینی وسیاسی شخصیات نے مولانا محمداسماعیل کی شہادت پر ردعمل کا اظہار کرتے ہوئے واقعے کی شدید الفاظ میں مذمت کی۔ یاد رہے اس سے قبل اکتوبر میں جامعہ عربیہ احسن العلوم ہی کے سات طلباء نامعلوم دہشت گردوں کی فائرنگ کی زد میں آکر شہادت سے ہمکنار ہوئے۔

ایجنسیاں

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago