نائیجیریا : بم دھماکوں اور پرتشدد واقعات میں ہلاکتوں کی تعداد 31 ہوگئی

نائیجیریا کے شہر پوٹسکم میں نامعلوم افراد نے فائرنگ کرکے 8 افراد کو قتل کردیا ۔

تین دن میں بم دھماکوں اور پرتشدد واقعات میں ہلاکتوں کی تعداد 31 ہوگئی۔

نائیجریا کی ریاست یوبے میں پرتشدد واقعات کا سلسلہ جاری ہے ۔

گزشتہ روز پوٹسکم میں اسکول پرنسپل، کسٹم افسراور سابق پولیس افسر سمیت 8 افراد کو موت کے گھاٹ اتار دیا گیا۔

سرکاری ذرائع کا دعویٰ ہے کہ ان کو شدت پسند مذہبی تنظیم نے قتل کیا ہے۔

اس سے قبل بم دھماکوں اور فائرنگ کے واقعات میں 23 افراد ہلاک ہوئے تھے۔ شہریوں کا الزام ہے کہ ان میں سے بیشتر افراد کو سرکاری فوج نے شدت پسندوں کے خلاف آپریشن کے دوران ہلاک کیا۔