Categories: مشرق وسطی

ایران میں گوگل سرچ اور جی میل تک رسائی بلاک

تہران (العربیہ ڈاٹ نیٹ) ایران نے سوموار سے گوگل کی مقبول اور نسبتاً محفوظ سروس جی میل تک رسائی بلاک کردی ہے۔

ایران میں انٹرنیٹ کے صارفین نے بتایا ہے کہ گوگل کے سرچ صفحے گوگل ڈاٹ کام تک رسائی بھی محدود کردی گئی ہے اور اس کے محفوظ پروٹوکول https://www.google.com کو استعمال کرنے والوں کی بھی اس صفحے تک رسائی نہیں ہورہی تھی اور اس کو بھی بلاک کردیا گیا ہے۔

گوگل پر پابندی لگانے کی اطلاع ایران کے پبلک پراسیکیوٹر کے دفتر کے ایک مشیر عبدالصمد خرم آبادی کی جانب سے موبائل فون پر بھیجے گئے ٹیکسٹ میسج کے ذریعے دی گئی ہے۔

اس پیغام میں کہا گیا ہے کہ ”عوام کے بار بار تقاضے کے بعد گوگل اور جی میل کو اب ملک بھر میں فلٹر کیا جائے گا اور یہ سلسلہ تاحکم ثانی جاری رہے گا”۔

تاہم گوگل کی سروسز تک ہر ملک میں رسائی کا سراغ لگانے والی ویب سائٹ سے یہ ظاہر نہیں ہورہا ہے کہ اس کی سروسز کو ایران میں بلاک کیا گیا ہے لیکن تہران کے متعدد مکینوں نے فرانسیسی خبررساں ادارے اے ایف پی کو بتایا ہے کہ وہ ورچوئل پرائیویٹ نیٹ ورک (وی پی این) کو استعمال کیے بغیر اپنے گوگل اکاؤنٹ تک رسائی حاصل نہیں کرسکتے ہیں۔

ایران کے بہت سے کاروباری افراد غیرملکی کمپنیوں سے برقی مراسلت اور ان سے دستاویزات کے تبادلے کے لیے جی میل کواستعمال کرتے ہیں۔ایرانی حکام نے اس سے پہلے فروری میں بھی عارضی طور پر گوگل اور جی میل تک رسائی بند کردی تھی۔

گوگل کی ویڈیو شئیرنگ کی مقبول ویب سائٹ یوٹیوب کو 2009ء سے وقتاً فوقتاً بند کیا جاتا رہا ہے۔اسی انٹرنیٹ سائٹ پر اُس سال کے وسط میں منعقدہ صدارتی انتخابات میں دھاندلیوں سے متعلق ویڈیوز کو اپ لوڈ کیا جاتا رہا ہے۔ایران میں سماجی روابط کی ویب سائٹس ٹویٹر اور فیس بُک کو بھی گاہے گاہے بلاک کیا جا رہا ہے۔

ایران اس وقت اپنے قومی انٹرانیٹ کے قیام پر کام کررہا ہے جو ایرانی حکام کے بہ قول غیر اسلامی مواد سے پاک ہوگا،تیزرفتار اور محفوظ ہوگا۔تاہم اس کے ذریعے صارفین کے ڈیٹا کو بھی آسانی سے مانیٹر کیا جاسکے گا۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago