Categories: پاکستان

سیلاب سے چار سو ہلاک، پینتالیس لاکھ متاثر

اسلام آباد (بی بی سی) پاکستان میں قدرتی آفات سے نمٹنے والے ادارے این ڈی ایم اے کا کہنا ہے کہ حالیہ سیلاب سے ملک بھر میں چار سو کے لگ بھگ افراد ہلاک جب کہ تقریباً پینتالیس لاکھ افراد متاثر ہوئے ہیں۔

قدرتی آفات سے نمٹنے والے ادارے این ڈی ایم اے کے مطابق حالیہ سیلاب میں سب سے زیادہ متاثر ہونے والے صوبوں میں سندھ، پنجاب اور بلوچستان ہیں۔

این ڈی ایم اے کی طرف سے جاری ہونے والی تفصیلات کے مطابق حالیہ سیلاب کی وجہ سے ملک بھر میں لگ بھگ چار سو افراد ہلاک ہوئے جب کہ ایک ہزار سے زیادہ لوگ زخمی ہوئے ہیں۔

لیکن سب سے زیادہ جانی نقصان سندھ میں ہوا جہاں ہلاک ہونے والوں کی تعداد تقریباً دو سو بتائی جاتی ہے۔

این ڈی ایم اے کے مطابق پاکستان کے تین صوبوں سندھ، بلوچستان اور پنجاب میں تقریباً پنتالیس لاکھ افراد متاثر ہوئے ہیں جن میں سے سب سے زیادہ صوبہ سندھ میں ہیں جہاں ان کی تعداد اٹھائیس لاکھ سے زیادہ ہے۔

قدرتی آفات سے نمٹنے والے ادارے کے مطابق سیلاب کے نتیجے میں پاکستان بھر میں کوئی تین لاکھ مکانات تباہ ہوئے یا انھیں نقصان پہنچا جن میں سے لگ بھگ دو لاکھ صوبے سندھ میں ہیں۔

این ڈی ایم اے کے مطابق بلوچستان، سندھ اور پنچاب میں تقریباً ساڑھے تیرہ ہزار دیہات متاثر ہوئے ہیں جن میں سے سندھ میں متاثر ہونے والے دیہات کی تعداد گیارہ ہزار سے زیادہ ہے۔

اس ادارے کے مطابق ان تینوں صوبوں میں تقریباً ساڑھے سات لاکھ ایکڑ رقبے پر کھڑی فصلوں کو نقصان پہنچا جن میں سے صرف پنجاب میں ہی پانچ لاکھ ایکڑ رقبے پر فصلیں متاثر ہوئیں۔

حکام کا کہنا ہے کہ ان صوبوں میں لگ بھگ آٹھ ہزار مویشی ہلاک ہوئے جن میں سے نصف سے زیادہ صرف بلوچستان میں ہلاک ہوئے۔

این ڈی ایم اے کا کہنا ہے کہ سیلاب سے متاثرہ ہونے والے پنجاب اور سندھ کے صوبوں میں چار سو چوراسی عارضی خیمہ بستیاں قائم کی گئی ہیں جن میں سے چار سو چوالیس سندھ میں ہے جب کہ چالیس پنجاب میں قائم کی گئی ہیں۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago