Categories: پاکستان

دیر: بارودی سرنگ کا دھماکہ، چودہ مسافر ہلاک

اسلام آباد (بی بی سی) پاکستان کے صوبہ خیبر پختونخوا کے ضلع لوئر دیر میں ایک مسافر گاڑی کے بارودی سرنگ سے ٹکرانے کے نتیجے میں خواتین اور بچوں سمیت چودہ مسافر ہلاک اور گیارہ زخمی ہو گئے۔
لوئر دیر میں پولیس افسر محمد جاوید نے بی بی سی کے نامہ نگار دلاور خان وزیر کو بتایا کہ اتوار کی صبح انجروں بانڈا کے علاقے سے تحصیل مونڈہ آنے والی ایک مسافر گاڑی لنڈئی کے مقام پر بارودی سرنگ سے ٹکرا گئی۔
انہوں نے بتایا کہ دھماکے سے گاڑی میں سوار چودہ مسافر ہلاک اور گیارہ زخمی ہو گئے۔
ہلاک ہونے والوں میں تین خواتین اور تین بچے بھی شامل ہیں۔
انجروں بانڈہ کے رہائشی اور زرین خان نے بی بی سی کو بتایا کہ وہ اپنے گھر میں موجود تھے جب انہیں اطلاع ملی کہ لنڈئی شاہ کے مقام پر مُسافر گاڑی بارودی سرنگ سے ٹکراگئی ہے۔
انہوں نے کہا کہ گاڑی میں ان کے قریبی رشتہ دار سوار تھے جس کی اطلاع ملتے ہی وہ فوراً وہاں پہنچ گئے۔ زرین خان کے مطابق جائے وقوعہ پر لاشیں بکھری ہوئی پڑی تھی کسی کا پیر نہیں تھا اور کسی کا ہاتھ کٹا ہوا تھا۔
پولیس افسر محمد جاوید نے مزید بتایا کہ ابھی اس واقعہ کی تحقیقات کی جا رہی ہیں کہ بارودی سرنگ کتنا عرصہ پہلے نصب کی گئی تھی۔
پولیس افسر محمد جاوید نے بتایا کہ ان کے گاؤں میں طالبان مخالف لوگ موجود نہیں ہے البتہ فوجی اہلکاروں نے ان کو مجبور کیاگیا ہے کہ وہ اپنی حفاظت کے لئے پہاڑی چوٹیوں پر پہرہ دینگے۔ زرین کے مطابق فوجیوں کے کہنے پر وہ رات کو پہاڑی چوٹیوں پر جاتے ہیں اور پہرہ کرتے رہتے ہیں۔
انہوں نے کہا کہ دھماکے کی جگہ قبائلی علاقے باجوڑ ایجنسی سے متصل ہے اور ضلع لوئر دیر کے صدر مقام تیمر گرہ سے تیس کلومیٹر کے فاصلے پر ہے۔
ایک سوال کے جواب میں پولیس افسر نے کہا کہ ابتدائی تحقیقات کے مطابق مسافر گاڑی میں کوئی اہم شخصیت یا کسی خاص برادری سے تعلق رکھنے والے افراد سوار نہیں تھے۔ انہوں نے کہا کہ اس علاقے سے لوگ روزانہ معمول کی خریداری کے لیے صدر مقام آتے ہیں۔
باجوڑ ایجنسی میں گزشتہ دنوں سرحد پار سے آنے والے شدت پسندوں اور سکیورٹی فورسز کے درمیان کئی روز تک جھڑپوں کا سلسلہ جاری رہا تھا۔
لوئر دیر میں اس سے پہلے بھی شدت پسندی کے متعدد واقعات پیش آ چکے ہیں، جن میں سکیورٹی فورسز اور عام شہریوں کو نشانہ بنایا گیا۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago