’سنی آن لائن‘ کی رپورٹ کے مطابق بدھ بارہ ستمبر 2012ء میں صحیح بخاری کی پہلی حدیث کی قرائت سے دارالعلوم زاہدان کے نئے تعلیمی سال 1433-34ھ۔ق کا آغاز ہوگیا۔ حدیث کی تشریح و توضیح جامعہ کے شیخ الحدیث و مہتمم مولانا عبدالحمید اسماعیلزہی نے کرتے ہوئے بعض اہم نکات کی طرف اشارہ کیا۔
مولانا عبدالحمید نے اپنے افتتاحی خطاب میں امام بخاری رحمہ اللہ کو عالم اسلام کی ایک عظیم شخصیت قرار دیتے ہوئے کہا: امام بخاریؒ کی للہیت اور اخلاص ان کی جامع کتاب حدیث کی بقا و مقبولیت کی اہم وجہ ہے۔
شیخ الحدیث جامعہ دارالعلوم زاہدان نے حدیث ’’انما الاعمال بالنیات‘‘ کی تشریح میں اخلاص کو اہم گردانتے ہوئے کہا: اعمال کی روح صحیح اور خالص نیت ہے۔ تمام اعمال کا دارومدار نیت پر ہے۔ جب تک نیت صحیح نہ ہو تو کوئی عمل اللہ کے دربار میں مقبول نہیں ہوگا۔ امام غزالی ؒ نے اخلاص اور خشوع کو ارکان نماز میں شمار کیاہے۔
بات آگے بڑھاتے ہوئے انہوں نے حدیث ’انما الاعمال بالنیات‘ کی توضیح کے ضمن میں اخلاص کی اہمیت پر مبنی ایک دوسری حدیث کی جانب اشارہ کیا جس کی رو سے روزقیامت بعض مجاہدین، سخی اور علماء کا احتساب ہوگا جن کی نیتیں ٹھیک نہیں
اور ان کا انجام جہنم ہے۔
طلبہ کو مخاطب کرکے حضرت شیخ الاسلام نے مزیدکہا: دینی علوم کے طلبہ و طالبات ہرگز دنیوی مقاصد مثلا شہرت و ثروت کیلیے علم حاصل نہ کریں؛ علم کو صرف اللہ کی رضامندی، حصول معرفت الہی، اتباع شریعت اور معاشرے میں علوم قرآنی و نبوی کی اشاعت کی خاطر حاصل کرنا چاہیے۔ اگر رضائے الہی کے حصول کے علاوہ ہمارے دلوں میں کوئی اور نیت ہو تو قیامت کو ہمارے تمام اعمال برباد ہوں گے۔
صدر شورائے اتحاد مدارس اہل سنت سیستان بلوچستان نے علم کی اہمیت اور والا مقام بیان کرتے ہوئے مزیدگویاہوئے: علم ایک ایسی عظیم نعمت ہے جس کی کوئی نظیر و مثل نہیں ہے۔ دنیوی نعمتوں میں سے کوئی بھی نعمت ’علم‘ کی نعمت عظمیٰ سے قابل موازنہ نہیں ہے۔ علم اللہ کی صفت ہے؛ اس نورالہی سے قلب ودماغ روشن ہوجاتے ہیں۔
اپنے خطاب کے آخر میں مولانا عبدالحمید نے طلبہ و اہل علم کو تقوا وخداترسی اور گناہوں سے دوری کی نصیحت کرتے ہوئے علم کی راہ میں مشکلات و سختیاں برداشت کرنے کی ترغیب دی۔
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…