امریکی فوج کا روزانہ ایک اہلکا خودکشی کرتا ہے‘ پنٹاگون

واشنگٹن(آن لائن) امریکی فوجیوں میںخودکشی کے رجحان میں خوفناک حد تک اضافہ ہوگیا ہے۔ اوسطاً روزانہ ایک امریکی فوجی خودکشی کرتا ہے۔
غیرملکی خبررساں ادارے کے مطابق امریکی محکمہ دفاع پنٹاگون کے اعدادوشمار میںکہاگیا ہے کہ سال 2012ء کے ابتدائی 155 دنوں میں سرگرم دستوں کے 154 فوجیوں نے خودکشیاں کیں۔ یہ تعداد افغانستان آپریشن میں مارے جانے والے فوجیوں کی تعداد سے 50 فیصدزیادہ ہے۔ گزشتہ 10سال کے دوران فوجی جوانوں کی جانب سے خودکشیوں کی یہ سب سے زیادہ تعداد ہے۔
عسکری ماہرین کا کہنا ہے کہ امریکی فوجیوں میں خودکشی کے رجحان میں اضافے کا سبب عراق اور افغانستان میں فوجی کارروائی پر امریکی فوج میں بڑھتاہوااختلاف رائے ہے۔
رپورٹ کے مطابق امریکی فوجیوں میں خودکشی کے رجحان کے علاوہ جنسی زیادتی‘ نشے کے استعمال اور گھریلو تشدد میں بھی اضافہ ہورہا ہے۔