سیف قذافی کے زخم گرفتاری سے پہلے کے ہیں، ڈاکٹر

طرابلس(ايجنسياں) لیبیا کے سابق رہنما کرنل قذافی کے بیٹے سیف الاسلام کا علاج کرنے والے ڈاکٹر کا کہنا ہے کہ اس کے زخم گرفتاری سے پہلے کے ہیں۔

سیف الاسلام کا علاج یوکرائن سے تعلق رکھنے والے ایک ڈاکٹر کر رہے ہیں۔ان کا کہنا ہے کہ سیف کی ذہنی اور جسمانی حالت بہتر ہے۔ ان کا کہنا تھا ان کو لگے زخم کم از کم ایک ماہ پرانے ہیں اور اسے تین دن پہلے مرہم پٹی کے لئے کہا گیا تھا۔ڈاکٹر کا کہنا تھا کہ سیف کی انگلیاں کٹی ہوئی ہیں تاہم انہیں کسی تیز دھارآلے سے نہیں کاٹا گیا ہے۔
ڈاکٹر کا کہنا تھا کہ میرے خیال میں یہ کسی دھماکے کی وجہ سے کٹ گئی ہیں۔ڈاکٹر Morokovskyزنتان کے ایک اسپتال میں کام کرتے ہیں،جہاں سیف الاسلام کو رکھا گیا ہے۔