جنوبی وزیرستان،امریکی ڈرون حملہ 16 افراد جاں بحق

جنوبی وزیرستان(خبرايجنسياں) پاک افغان سرحدی علاقے جنوبی وزیر ستان میں امریکی ڈرون حملے  میں  16 افراد ہلاک ہوگئے ہیں ۔
نمائندہ دی نیوز ٹرائب کے مطابق امریکی  جاسوس طیارے  نے جنوبی وزیرستان کے علاقے بابر پہاڑی  جنڈولہ پر حملے میں 4 میزائل فائر کیے۔
پاکستان کےسرکاری ٹی وی نے حملے  کی تصدیق کرتے ہوئے بتایا کہ  ایک مکان پر  ڈرون طیارے نے حملہ کیا جس سے گھر میں موجود 16افراد ہلاک ہوگئے ہیں جب کہ زخمیوں کے حوالے سے اطلاعات موصول نہیں ہوئی۔
یاد رہے کہ2 دن قبل  بھی پاکستان کے شمال مغربی علاقون میں ڈرون حملہ ہوا تھا جس میں 8 افراد ہلاک ہوگئے تھے۔
ذرائع کا کہنا ہے کہ حملہ بیت اللہ محسود کے آبائی قبلیے شکنوئی پر ہوا ہے۔
امریکا سے ڈرون حملوں کے حوالے پالیسی تبدیل کرنے کی خبرین بھی میڈیا میں آتی  رہیں ہیں جن کے مطابق حملے سے قبل پاکستان کی حکومت کو اس حوالے سے آگاہی دی جائے گی۔