بلوچستان،19نیٹوآئل ٹینکرز نذرآتش

مستونگ(ايجنسياں) پاکستان کے رقبے کے لحاظ سے سب سے بڑے صوبے بلوچستان میں افغانستان میں متعین نیٹو افواج کے لئے ایندھن لے کر جانے والے 19 ٹینکروں کو نذر آتش کر دیا گیا۔

یہ واقعہ  وزیر اعلیٰ بلوچستان کے آبائی  ضلع مستونگ کے علاقے دشت میں پیش آیا۔
نمائندہ دی نیوز ٹرائب کے مطابق دشت میں نامعلوم افراد نے قندھار کی جانب جانے والے نیٹو ٹینکرز پر اچانک فائرنگ کر دی ، اور پھر 19 آئل ٹینکرز کو آگ لگا دی گئی جس سے وہ جل کر خاک ہوگئے۔
واقعے کے بعد پولیس اور دیگر قانون نافذ کرنے والے اداروں کے اہلکار جائے وقوعہ پر پہنچے تاہم حملہ آور باآسانی فرار ہونے میں کامیاب ہوگئے۔
واضح رہے کہ پاکستان میں نیٹو ٹینکرز پر حملوں کی تعداد میں اضافہ دیکھا گیا ہے جس کے بعد نیٹو نے رسد فراہمی کے لیے متبادل ذرائع بھی تلاش کرنا شروع کر دیئے ہیں۔