Categories: پاکستان

لاہور کے معروف علماء نے سلمان تاثیر کی نماز جنازہ پڑھانے سے انکار کردیا

لاہور (آئی این پی) لاہور کے معروف علماء کرام کے ساتھ ساتھ محکمہ اوقاف کے سرکاری خطیبوں نے مذہبی حلقوں کے ردعمل سے بچنے کے لئے قاتلانہ حملے میں اپنے محافظ کے ہاتھوں جاں بحق ہونے والے گورنر پنجاب سلمان تاثیر کی نماز جنازہ پڑھانے سے انکار کر دیا۔

گزشتہ رات یہ اعلان کیا گیا تھا کہ بادشاہی مسجد کے خطیب عبدالخبیر آزاد گورنر پنجاب کا نماز جنازہ پڑھائیں گے تاہم رات گئے ان کی طرف سے یہ بیان سامنے آیا کہ وہ اپنے اہل خانہ کے ساتھ لاہور میں نہیں ہیں اس لئے وہ نماز جنازہ نہیں پڑھائیں گے تاہم ذرائع کے مطابق وہ نماز جنازہ پڑھانے سے بچنے کے لئے فوری طور پر لاہور سے باہر چلے گئے۔
بادشاہی مسجد کے خطیب کے علاوہ داتا دربار کی مسجد کے خطیب قاری رمضان سیالوی‘ جامع حنفیہ کے خطیب قاری عارف سیالوی کے علاوہ گورنر ہاؤس کی مسجد کے خطیب قاری اسماعیل نے بھی سلمان تاثیر کی نماز جنازہ پڑھانے سے انکار کر دیا۔
ذرائع کے مطابق مقتول گورنر پنجاب کی طرف سے توہین رسالت کے قانون کو کالا کہنے اور توہین رسالت کی مبینہ طور پر مرتکب عیسائی خاتون کی حمایت پر گورنر پنجاب کے خلاف جو عوامی ردعمل پایا جاتا ہے اور خاص طور پر تمام مکاتب ِ فکر کے علماء کرام اس معاملہ پر تحریک ناموس رسالت کے پلیٹ فارم پر اکٹھے ہیں اس لئے بھرپور کوششوں کے باوجود لاہور کے نہ تو کسی معروف عالم دین اور نہ ہی کسی بڑے سرکاری خطیب کو گورنر سلمان تاثیر کا نماز جنازہ پڑھانے کے لئے رضامند کیا جا سکا جس پر پیپلز پارٹی پنجاب علماء ونگ کے جنرل سیکرٹری علامہ افضل چشتی نے نماز جنازہ پڑھائی۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago