کردعالم دین کی جیل سے رخصت کینسل، دوبارہ جیل روانہ

ممتاز کرد عالم دین ماموستا سیف اللہ حسینی کو ایرانی حکام نے واپس جیل بھیج دیاہے، ماموستاحسینی رخصت پر ’’حاجی آباد بیستون‘‘ جیل سے باہر آئے تھے کہ آپ کی رخصت کو کینسل کرکے کرمانشاہ ’’دیزل آباد‘‘ کی سنٹرل جیل منتقل کردیاگیا۔

شیخ سیف اللہ حسینی کو دوران قید صرف تین مرتبہ رخصت لینے کی اجازت دی گئی ہے، اس دوران آپ کو قیدیوں کے بنیادی حقوق سے بھی محروم رکھاگیا۔
’سنی آن لائن‘ کی رپورٹ کے مطابق کردذرائع ابلاغ نے کہاہے ماموستا سیف اللہ حسینی کی جیل منتقلی کی وجہ آپ کے اور دیگر سنی قیدیوں کی جیل حکام کی غیرقانونی درخواست کے ردکرنے کے بعد عمل میں لائی گئی ہے۔ ’اسلام کرد‘ کے مطابق جیل حکام نے عاشورا کے موقع پر ماموستاحسینی پردباؤ ڈالا تھا کہ وہ دیگر اہل سنت قیدیوں سمیت سینہ کوبی وزنجیرزنی کی تقریبات میں شرکت کریں، لیکن آپ نے ایسا کرنے سے انکار کیا تھا اور بات تک جھڑپ تک پہنچ گئی تھی مگرسنی عالم دین نے مزاحمت کرکے استقامت کی تھی۔
یاد رہے کرد سنی عالم دین سیف اللہ حسینی ایران کے مغرب میں واقع ’’جوانرود‘‘ شہر کی مسجدخاتم الانبیاء کے پیش امام اور ’’تحریک مکتب قرآن کردستان‘‘ کے مرکزی شورا کے رکن ہیں۔ اب تک آپ کو مختلف الزامات کے تحت مثلا نماز جمعہ وعیدین اور پنج وقتہ نمازوں کی امامت و قائم کرنے، امر بالمعروف ونہی عن المنکر جیسے امور کے الزام میں جیل اور جبری جلاوطنی کی سزا سنائی جاچکی ہے۔ یہ الزامات درحقیقت اہل سنت کے عقائد و ضروری اعمال میں شمار ہوتے ہیں۔
آخری مرتبہ آپ کو اس لیے پابند سلاسل کیا گیا کہ آپ نے جوانرود کے مضافات میں واقع ایک پیٹرول پمپ کی مسجد’باباجانی‘ میں جمعے کی نماز قائم کی تھی۔ اس ’الزام‘ میں ’’عدالت برائے علماء‘‘ نے آپ کو30 مہینہ قید اور اس کے بعد چھ سال جلاوطنی کی سزا سنائی جو صوبہ اصفہان کے شہر ’’سمیرم‘‘ میں گزارنے ہوں گے۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago