Categories: مشرق وسطی

مصر:چرچ کے باہر دھماکہ، اکیس ہلاک

قاہرہ(بی بی سی) مصر کے ساحلی شہر اسکندریہ میں حکام کا کہنا ہے کہ عیسائیوں کی سال نو کی پہلی عبادت کے بعد چرچ کے باہر زوردار بم دھماکے میں اکیس افراد ہلاک اور چوبیس زخمی ہو گئے ہیں۔

دھماکہ رات کے ساڑھے بارہ بجے اس وقت ہوا جب القدیسین چرچ میں کاپٹک عیسائی سال نو کی پہلی عبادت کے بعد چرچ سے باہر آ رہے تھے۔
پولیس کا کہنا ہے کہ دھماکہ چرچ کے باہر کھڑی کار میں ہوا ہے اور مرنے والوں کی تعداد میں اضافے کا خدشہ ہے۔
تاحال یہ واضح نہیں ہے کہ دھماکہ خیز مواد کار کے اندر نصب تھا یا اس کھڑی ہوئےگاڑی کے نیچے رکھا گیا تھا۔
اسکندریہ مصر کا دوسرا بڑا شہر ہے اور چالیس لاکھ کی آبادی کے اس شہر میں ماضی میں بھی فرقہ وارانہ کشیدگی کے واقعات ہوتے رہے ہیں۔
دھماکے کے بعد عیسائیوں کےمشتعل ہجوم نے نزدیکی مسجد میں گھس کر اسے نقصان پہنچانے کی کوشش کی لیکن پولیس نے موقع پر پہنچ کر حالات کو سنھبال لیا۔
مصر میں کوپٹک عیسائی ملکی آبادی کا دس فیصد ہیں اور حالیہ عرصے میں عیسائیوں اور مسلمانوں میں فرقہ وارانہ کشیدگی بڑھی ہے۔
اسکندریہ کے میئر جنرل عبدل لببیب نے ایک مقامی ٹیلیویژن کو انٹرویو دیتے ہوئے کہا کہ شہر کے گرجا گھروں پر حملوں کی دھمکیاں مل رہی تھیں لیکن انہوں نے اس تاثر کو زائل کرنے کی کوشش کی کہ یہ دھماکہ مسلمانوں اور عیسائیوں کے درمیان کشیدگی کا نتیجہ ہے۔
عراق میں سرگرم القاعدہ عیسائیوں کے خلاف کارروائیاں کرتی رہی ہے اور عراق میں چرچ پر حملے کے بعد عراق القاعدہ نے مصر میں ایسے ہی حملوں کی دھمکی دی تھی۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago