Categories: پاکستان

باجوڑ میں ’خود کش‘ دھماکہ، چالیس افراد ہلاک

اسلام آباد(بى بى سى) پاکستان کے قبائلی علاقے باجوڑ ایجنسی میں حکام کے مطابق ایک خود کُش دھماکے میں کم از کم چالیس افراد ہلاک اور ساٹھ سے زیادہ زخمی ہوگئے ہیں۔ زخمیوں میں بچے بھی شامل ہیں۔

باجوڑ ایجنسی میں ایک سرکاری اہلکار نے بی بی سی کے نامہ نگار دلاور خان وزیر کو بتایا کہ یہ خود کش دھماکہ سنیچر کی صُبح ایجنسی کے صدر مقام خار میں متاثرین میں راشن کی تقسیم کے دوران ہوا ۔لاشوں او زخمیوں کو سول سپتال خار منتقل کیا جا رہا ہے۔
باجوڑ کے اردگرد کے علاقے جو افغان سرحد کے ساتھ واقع ہیں القاعدہ اور طالبان کا گڑھ سمجھے جاتے ہیں اور حالیہ زمانے میں یہاں کئی حملے ہوئے ہیں۔
تحریکِ طالبان پاکستان نے پاکستان کے قبائلی علاقے باجوڑ ایجنسی میں خود کش حملے کی ذمہ داری قبول کر لی ہے۔
تحریکِ طالبان پاکستان کے مرکزی ترجمان اعظم طارق نے بی بی سی سی کو ٹیلی فون پر بتایا یہ قبیلہ حکومت کا حامی تھا اور یہ طالبان کے خلاف لشکر بنایا کرتے تھے۔ انھوں نے کہا کہ آئندہ بھی اس طرح کے حکومت حمایتی لشکروں پر حملے کیے جائیں گے۔
ایک روز قبل مہمند ایجنسی میں درجنوں طالبان کے سکیورٹی چیک پوسٹ پر حملے میں گیارہ سکیورٹی اہلکار اور چوبیس شدت پسند ہلاک ہوگئے تھے۔
سرکاری اہلکار نے بتایا کہ دہشت گردی سے متاثر ہونے والے لوگوں کے لیے راشن کے مختلف دن مقرر کیے گئے ہیں اور سنیچر کا دن سلارزئی قبیلے کے لیے ہے۔
اہلکار کے مطابق جس جگہ دھماکہ ہوا وہ پولیٹکل ایجنٹ کے دفتر سے تین سے چار سو گز کے فاصلے پر واقع ہے۔ یہاں سول کالونی کے گیٹ کے پاس تلاشی کے لیے ایک چیک پوائنٹ بنایا گیا تھا جہاں خودکش حملہ آور نے خود کو دھماکے سے اڑا لیا۔
اہلکار کا کہنا تھا کہ خودکش حملہ اور کی لاش ٹکڑے ٹکڑے ہوگئی ہے جس کے ٹکڑے مقامی انتظامیہ کے اہل کاروں نے اکھٹے کیے ہیں۔
یادرہے کہ جس قبیلے پر خودکش حملہ ہوا ہے یہ قبیلہ سلارزئی ہے جس نے کئی بار شدت پسند کے خلاف لشکر بنا کر مقابلہ کیا ہے۔سلارزئی اور اور طالبان کے درمیان جھگڑوں میں دونوں طرف سے درجنوں لوگ مارے گئے ہیں۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago