شمالی کوریا ’مقدس جنگ‘ کے لیے تیار

سیول(بی بی سی) شمالی کوریا کی مسلح افواج کے وزیر نے کہا ہے کہ ان کا ملک ’انصاف کی خاطر ایک مقدس جنگ‘ کے لیے تیار ہے۔ کِم یونگ چُن نے جنوبی کوریا پر الزام لگایا کہ وہ سرحد کے قریب جنگی مشقیں کر کے اصل میں جنگ کی تیاریاں کر رہا ہے۔

جنوبی کوریا کی جانب سے کی جانے والی یہ جنگی مشقیں اس کی تاریخ کی سب سے بڑی مشقیں ہیں اور ملک کے جنوبی جزیرے میں شمالی کوریا کی شیلنگ سے چار افراد کی ہلاکت کے ایک ماہ بعد شروع کی گئی ہیں۔
امریکی محکمۂ خارجہ نے شمالی کوریا کی جانب سے آنے والے تازہ تبصروں کو ’پرانی جھگڑالو چالوں‘ سے تعبیر کرتے ہوئے اس کی مذمت کی ہے۔
جنوبی کوریا کے صدر لی مائینگ باک نے وعدہ کیا ہے کہ اگر شمالی کوریا نے کسی طرح کا بھی حملہ کیا تو فوراً جوابی کارروائی کی جائے گی۔
بی بی سی کے نامہ نگار جون سڈورتھ کا کہنا ہے کہ جزیرہ نما کوریا میں لوگ پیونگ یانگ کی جانب سے اس قسم کی جوشیلی تقریروں کے عادی ہیں لیکن جوں جوں کشیدگی میں اضافہ ہو رہا ہے یہ خطرہ بھی بڑھ رہا ہے کہ ایک فریق کو مجبوری میں دھمکیوں کے نتیجے میں عمل کرنا ہوگا۔
جنوبی کوریا کی فوج نے تسلیم کیا ہے کہ مشقیں اسلحے کی طاقت کے مظاہرے ہی کے لیے ہیں۔ اس سال جنوبی کوریا نے سینتالیس جنگی مشقیں کی ہیں لیکن اس موسمِ سرما میں ہونے والی موجودہ مشقیں اس کی تاریخ کی سب سے بڑی مشقیں ہیں۔
اس سے قبل شمالی کوریا نے جنوبی کوریا کی مشقوں کے بعد الزام لگایا تھا کہ سیول جنگ کو ہوا دے رہا ہے لیکن اس نے جنوبی کوریا کو جوابی کارروائی کی دھمکی نہیں دی تھی۔
شمالی کوریا کے دارالحکومت میں ایک اجلاس میں پیونگ یانگ نے الزام لگایا کہ جنوبی کوریا نئی کوریائی جنگ کی تیاری کر رہا ہے۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago