Categories: پاکستان

نیٹو آئل ٹینکرز پر حملہ، ستائیس نذرِ آتش

اسلام آباد(بى بى سى) پاکستان کے صوبہ سندھ میں شکارپور کے نزدیک نامعلوم افراد نے افغانستان میں تعینات نیٹو افواج کے لیے رسد لے جانے والے ستائیس آئل ٹینکرز تباہ کر دیے ہیں۔

ادھر پاکستان سے اتحادی افواج کو سامان اور تیل کی سپلائی کا سلسلہ دوسرے دن بھی معطل ہے۔
شکار پور کے ضلعی پولیس افسر عبدالحمید کھوسہ نے بی بی سی سے بات کرتے ہوئے کہا کہ آئل ٹینکرز کراچی سے آئے تھے اور انھیں بلوچستان کے راستے افغانستان جانا تھا۔
انھوں نے بتایا کہ آئل ٹینکرز ایک پٹرول سٹیشن پر کھڑے تھے جہاں عینی شاہدین کے مطابق دس سے پندرہ حملہ آوروں نے ان پر فائرنگ شروع کر دی۔ ضلعی پولیس افسر کے مطابق فائرنگ کے بعد وہاں کھڑے آئل ٹینکرز کو آگ لگ گئی جب کہ حملہ آور فرار ہونے میں کامیاب ہو گئے۔انھوں نے کہا کہ اس واقعے میں ایک شخص کے زخمی ہونے کی اطلاع ہے۔
ذرائع کا کہنا ہے کہ اس حملے میں ستائیس آئل ٹینکرز تباہ ہوئے ہیں۔ عبدالحمید کھوسہ نے بتایا کہ حملہ آوروں کے حوالے سے تحقیقات کی جا رہی ہیں۔ اس حملے میں شدت پسند عناصر کے ملوث ہونے کو رد نہیں کیا جا سکتا ہے۔
یہ اس علاقے میں نیٹو کی رسد کو نشانہ بنائے جانے کا پہلا واقعہ ہے۔ ماضی میں اس قسم کے واقعات بلوچستان، خیبر پختونخواہ اور قبائلی علاقے خیبر ایجنسی میں پیش آئے ہیں جن میں سینکڑوں گاڑیوں کے تباہ ہونے کے علاوہ ہلاکتیں بھی ہوچکی ہیں۔
پاکستان سے اتحادی افواج کو سامانِ رسد کی فراہمی کا سلسلہ دوسرے دن بھی تعطل کا شکار ہے اور قبائلی علاقے خیبر ایجنسی کے ایک ٹھیکیدار نے بی بی سی کو بتایا ہے کہ علاقے میں موجود سامان ِ رسد لے جانے والے ٹرکوں کو واپس خیبر پختونخواہ کی حدود میں منتقل کر دیا گیا ہے۔
خیال رہے کہ جمعرات کو افغان سرحد سے متصل پاکستانی علاقے میں نیٹو ہیلی کاپٹرز کی دو کارروائیوں میں فرنٹیئر کور کے تین اہلکاروں کی ہلاکت کے بعد حکومتِ پاکستان نے پاکستان سے اتحادی افواج کو سامان اور تیل کی سپلائی سکیورٹی خدشات کے باعث معطل کر دی تھی۔
ایک سرکاری اہلکار کے مطابق جمعرات کی صبح نیٹو اور اتحادی افواج کو سامان لے جانے والے سو کے قریب کنٹینروں اور آئل ٹینکروں کو مختلف مقامات پر روک دیا گیا تھا۔انہوں نے کہا کہ یہ فیصلہ گاڑیوں پر حملوں کے خدشے کے باعث کیا گیا۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago