سری نگر(ايجنسياں) ایمنیسٹی انٹرنیشنل نے بھارت سے مطا لبہ کیا ہے کہ مقبوضہ کشمیر میں حالیہ فسادات کے دوران ہلاک ہو نے والے 11 شہریوں کی ہلاکت کی تحقیقات کروائے ۔
ایمنیسٹی انٹرنیشنل نے کشمیر میں حالیہ کچھ دنوں میں 11 شہریوں کی ہلاکت پر سخت تشویش کا اظہار کرتے ہو ئے بھارت سے مطا لبہ کیا ہے کہ بھارت کشمیر میں شہریوں کی ہلاکت کی تحقیقات کرائے، اور ہلاکتوں کے ذمے داراہل کاروں کو سخت سزا دی جائے ، اسکے علاوہ گروپ نے یہ بھی مطا لبہ کیا ہے کہ مظاہرین کے ساتھ ڈیل کر نے کے لیے ظاقت کا حد سے ذیادہ استعمال نہیں کیا جا ئے ۔
ایک کشمیری نوجوان کی بھارتی فوج کے ہاتھوں ہلاکت کے بعد شروع ہو نے والے احتجاج اور مظا ہروں میں 11 شہریوں کی جان چلی گئی جس کے ل یے بھارتی فوج اور پولیس ذمہ دار ہے ۔
بھارت نے ان 11 شہریوں کی ہلاکت کے خلاف تحقیقات کا اعلان کردیا ہے لیکن ابھی تک ان ہلاکتوں میں ملوث اہلکاروں کے خلاف کو ئی ایکشن نہیں لیا گیا۔ مقبوضہ وادی میں ہڑتال اور کرفیو جاری ہے ۔