Categories: مشرق وسطی

مقبوضہ بیت المقدس میں درجنوں گھر مسمار کرنے کا صہیونی فیصلہ

مقبوضہ بیت المقدس (مرکز اطلاعات فلسطین) امریکا کے مشرقی وسطی کے خصوصی نمائندے جارج مچل کی جانب سے فلسطینی مسئلہ کے حل کی کوششوں کے برعکس اسرائیل نے مقبوضہ بیت المقدس کی سلوان کالونی میں 22 گھروں کو منہدم کرنے کا فیصلہ کر کے امریکا اور فریق اوسلو کی جدوجہد پر پانی پھیر دیا ہے۔

اسرائیل کے معروف اخبار ’’ہارٹز‘‘ کے مطابق علاقائی تعمیرات و منصوبہ بندی کی علاقائی کمیٹی اگلے پیر کو میونسپلٹی کے سربراہ نیر برکات سے بات کرے گی، اس منصوبے کو سلوان کالونی کی ترقی کے منصوبے کا نام دیا گیا ہے جس میں درجنوں فلسطینی لوگوں کے گھر منہدم کر دیے جائیں گے۔ صہیونی حملوں کی زد میں آ کر اس کالونی کے متعدد گھر پہلے ہی مسمار ہو چکے ہیں۔
ہارٹز نے کہا ہے کہ بلدیہ کے سربراہ نے صہیونی وزیراعظم بنجمن نیتن یاھو سے عہد کیا ہے کہ اس منصوبے پر عملدرآمد اس وقت تک شروع نہیں کیا جائے گا جب تک گھروں کے مالکان سے مذاکرات مکمل نہیں ہو جاتے۔ دوسری جانب مکان مالکان کا کہنا ہے کہ پچھلے ماہ صہیونی بلدیہ نے ان سے کوئی بات چیت اور مذاکرات نہیں کیے ہیں۔
مقبوضہ بیت المقدس کو یہودیانے کی کوششوں پر مشتمل اس صہیونی منصوبے کا نام ’’ گارڈن آثار قدیمہ‘‘ رکھا گیا ہے، یہ گارڈن بیت المقدس کی بستان کالونی میں بنایا جائے گا۔ صہیونی بلدیہ کا کہنا ہے کہ اس علاقے میں 80 گھر بلا اجازت تعمیر کیے گئے ہیں۔ اسی لیے اس نے علاقے میں 22 گھروں کو منہدم کرنے اور ان گھروں کے اہل خانہ کو دوسرے علاقے میں منتقل کرنے کا فیصلہ کیا ہے ظاہر ہے کہ یہ ایسا امر ہے جسے القدس کے فلسطینیوں نے بھرپور طور پر مسترد کر دیا ہے۔
یاد رہے کہ مشرق وسطی کے خصوصی امریکی ایلچی مچل نے جمعرات کی شام علاقے کا دورہ کیا تھا جس کا مقصد رام اللہ اور اسرائیل کے مابین مسئلہ فلسطین کے حل کے لیے کوششوں کا دوبارہ آغاز تھا۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago